Batumelebi | აჭარის მთავრობა ზღვის პირას მიწის ნაკვეთს ყიდის აჭარის მთავრობა ზღვის პირას მიწის ნაკვეთს ყიდის – Batumelebi
RU | GE  

აჭარის მთავრობა ზღვის პირას მიწის ნაკვეთს ყიდის

აჭარის მთავრობა ზღვის პირზე, ქობულეთის ფიჭვნარის ტერიტორიაზე 11 235 კვ.მ. მიწის ნაკვეთს პირობიანი აუქციონის წესით ყიდის. აუქციონი 5 ნოემბერს უნდა დასრულდეს. ქონების საწყისი ფასი 5 მილიონ 450 000 ლარია, ბიჯი 150 000 ლარი.

აუქციონის მთავარი პირობა გასაყიდ ნაკვეთზე მრავალფუნქციური კომპლექსის მშენებლობაა, ზღვაზე გასასვლელი ბილიკით.

კომპლექსში განთავსებული უნდა იყოს მინიმუმ 100 ნომრიანი სასტუმრო, სპორტულ-გამაჯანსაღებელ ან  სარეაბილიტაციო ცენტრი, შენობას უნდა ჰქონდეს არანაკლებ  60 ავტომანქანაზე გათვლილ ავტოსადგომი და სკვერი.

საერთო ჯამში შემძენმა ხელშეკრულების გაფორმებიდან  ხუთი წლის ვადაში  პროექტში არანაკლებ  20 მილონი ლარის ინვესტიცია უნდა განახორციელოს.

ეს ნაკვეთი აჭარის ფინანსთა და ეკონომიკის სამინისტროს აუქციონზე ადრეც ჰქონდა ორჯერ გამოტანილი, სხვა შემთხვევებში ნაკვეთები განმეორებით აუქციონზე სამინისტროს შემცირებული ფასით გამოაქვს, ამ შემთხვევაში კი ფასი მილიონით გაზრდილია.

ნეტგაზეთის მასალების სხვა გამოცემებში გადაბეჭდვის წესი
ავტორი