Batumelebi | ქართველი რეჟისორი დეა კულუმბეგაშვილი კანის კინოფესტივალის ჟიურის წევრია ქართველი რეჟისორი დეა კულუმბეგაშვილი კანის კინოფესტივალის ჟიურის წევრია – Batumelebi
RU | GE  

ქართველი რეჟისორი დეა კულუმბეგაშვილი კანის კინოფესტივალის ჟიურის წევრია

27-29 ოქტომბერს კანის კინოფესტივალი 2020 წლის სპეციალური გამოშვებით დაბრუნდება.

ფრანგული კინოსკოლის, Cinéfondation-ის საკონკურსო სექციის ნამუშევრებსა და მოკლემეტრაჟიან ფილმებს წელს ფესტივალზე ჟიურის სხვა წევრებთან ერთად ქართველი კინორეჟისორი და სცენარისტი დეა კულუმბეგაშვილი შეაფასებს.

კანის კინოფესტივალზე 11 მოკლემეტრაჟიან ფილმს აჩვენებენ. ჟიური გადაწყვეტს, რომელ მათგანს მიენიჭება “პალმის რტო”, ამავე ჟურიმ კინოფესტივალის სამი ჯილდო უნდა გასცეს კინოსკოლის საუკეთესო ფილმებისთვის.

დეა კულუმბეგაშვილის ფილმი „დასაწყისი” 2020 წლის კანის კინოფესტივალის სპეციალური გამოშვების ნაწილი იქნება. ფილმს კინოფესტივალის მთავარ კონკურსში აჩვენებენ. ამ ფილმმა უკვე არაერთი მნიშვნელვანი ჯილდო მიიღო: სან-სებასტიანის კინოფესტივალის 4 მთავარი პრიზის მფლობელია, გარდა კანის კინოფესტივალისა, წარდგენილია ნიუ-იორკის კინოფესტივალების საკონკურსო პროგრამაში.

მსახიობი ია სუხიტაშვილი/კადრი ფიმიდან „დასაწყისი”.

„ოსკარის” საერთაშორისო სრულმეტრაჟიანი ფილმის ნომინაციაზეც საქართველოს სწორედ  ფილმი „დასაწყისი” წარადგენს.

ფილმი დეა კულუმბეგაშვილმა 2015 წელს გადაიღო. სურათი იეჰოვას მოწმეთა შესახებ მოგვითხრობს, რომელთაც მძინარე პროვინციულ ქალაქში თავს ესხმის ექსტრემისტული დაჯგუფება.

რეჟისორის პირველი ფილმია „უხილავი სივრცეები”, რომელიც ასევე კანის კინოფესტივალზე იყო ნაჩვენები 2014 წელს.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com