Batumelebi | შიმშილობის მეორე დღე – უმუშევრად დარჩენილები დაშლას არ აპირებენ შიმშილობის მეორე დღე – უმუშევრად დარჩენილები დაშლას არ აპირებენ – Batumelebi
RU | GE  

შიმშილობის მეორე დღე – უმუშევრად დარჩენილები დაშლას არ აპირებენ

მეორე დღეა აჭარის მთავრობის სახლთან 8 ადამიანი შიმშილობს. ისინი უმუშევრად დარჩენილები არიან და ხელისუფლებისგან კონკრეტული ნაბიჯების გადადგმას ითხოვენ.

„ჩვენ არ ვიშლებით. გუშინ იყო მცდელობა შეგვხვედროდა მოსალაპარაკებლად აჭარის მთავრობის აპარატის უფროსი, მაგრამ ჩვენ მას ვუთხარით, რომ შეხვედრა შეხვედრისთვის არ გვჭირდება. ჩვენი მოთხოვნები ცნობილია და ვითხოვთ კონკრეტულ რეაგირებას… ორშაბათს მთავრობის აპარატში გვითხრეს, რომ ჩვენი მონაცემები გადაგზავნილია ეროვნულ ბანკში და მუშავდება, მაგრამ ამ დრომდე არაფერი შეცვლილა,“ – გვითხრა აქციის მონაწილე ქეთი ქუთათელაძემ.

გუშინ შიმშილობა შეწყვიტა ასევე უმუშევრად დარჩენილმა გიორგი გორგილაძემ. ის აჭარის მთავრობის სახლთან ორშაბათიდან შიმშილობდა.

უმუშევრად დარჩენილებმა საპროტესტო აქცია გასულ კვირას, 6 ოქტომბერს დაიწყეს. საპროტესტო აქციის მონაწილეები ითხოვდნენ: საბანკო სესხების გადავადებას, ტრანსპორტის მოძრაობის აღდგენას, უმუშევრობის კომპენსაციის შენარჩუნებას და, ასევე, უმუშევრობის კომპენსაციის ოდენობის გაზრდას. ოქტომბერი ბოლო თვეა, როცა ეს ადამიანები კომპენსაციას მიიღებენ.

გასულ კვირას აქციის მონაწილეებს აჭარის მთავრობის თავმჯდომარე დაჰპირდა, რომ მათ პრობლემებს ინდივიდუალურად კვირის ბოლომდე შეისწავლიდნენ. ამ დრომდე აჭარის მთავრობის პოზიცია უცნობია.

ნეტგაზეთის მასალების სხვა გამოცემებში გადაბეჭდვის წესი
ავტორი