ბავშვის ტანსაცმლის ადგილობრივი წარმოება კომპანიამ “ნიკოლი” 2017 წლიდან დაიწყო. „ნიკოლი“ ერთიდან ათ წლამდე ბავშვებისთვის წელიწადში რამდენიმე კოლექციას ქმნის, რომლის ნახვა და შეძენა ონლაინაც არის შესაძლებელი და ბრენდის მაღაზიებშიც.
კომპანიამ პანდემიის პერიოდში თიბისის მხარდაჭერით ისარგებლა და თურქეთიდან ტანსაცმლის დასამზადებლად საჭირო ქსოვილების იმპორტი განახორციელა.
„თიბისის ფინანსური მხარდაჭერით ჩვენ შევძელით ამ რთულ პერიოდში ქსოვილის შემოტანა საქართველოში და ახალი კოლექცია შევთავაზეთ ჩვენს მომხმარებლებს,“ – ამბობს კომპანიის დამფუძნებელი და დირექტორი ნიკა ნიკოლაიშვილი.
„ნიკოლი“ თიბისის პროგრამა სტარტაპერის ბენეფიციარია, დაარსებიდან დღემდე კომპანიის საწარმოსა და მაღაზიებში დასაქმებულ ადამიანთა რიცხვი 21-მდე გაიზარდა. „ნიკოლის“ პროდუქციის შეძენა თბილისსა და ბათუმში, თბილისი მოლში, ისთ ფოინთში და ბათუმის მოლში მდებარე ბრენდის საკუთარ მაღაზიებში შეიძლება.
