2020 წლის 15 ოქტომბრიდან მიმოქცევაში გაუშვებენ ამავე წელს გამოშვებულ 50 ლარის ნომინალის ბანკნოტებს.
საქართველოს ეროვნული ბანკის საბჭოს დადგენილებით, აღნიშნული ბანკნოტები იქნება „გადახდის კანონიერი საშუალება, 2016 წლის გამოშვების იგივე ნომინალის ბანკნოტის იდენტური დიზაინისა და სხვა მახასიათებლების მიხედვით, გამოშვების წლით „2020“, საქართველოს ეროვნული ბანკის მოქმედი პრეზიდენტის ხელმოწერის ცვლილების გათვალისწინებით“.
ეროვნული ბანკის საბჭოს დადგენილებით, 2020 წლის გამოშვების 50 ლარის ნომინალის ბანკნოტები მიმოქცევაში იქნება წინა წლების გამოშვების იმავე ნომინალის ბანკნოტების პარალელურად და საქართველოს ტერიტორიაზე ამ ბანკნოტებით ანგარიშსწორება უნდა განხორციელდეს შეუფერხებლად.
