Batumelebi | უმუშევრად დარჩენილების საპროტესტო აქცია ბათუმში [LIVE] უმუშევრად დარჩენილების საპროტესტო აქცია ბათუმში [LIVE] – Batumelebi
RU | GE  

უმუშევრად დარჩენილების საპროტესტო აქცია ბათუმში [LIVE]

პანდემიის დროს უმუშევრად დარჩენილების საპროტესტო აქცია დღეს, 12 ოქტომბერს, განახლდა. აქციას შეუერთდა ორგანიზაცია „ალტერნატივა“.

უმუშევრად დარჩენილებმა საპროტესტო აქცია გასულ კვირას, 6 ოქტომბერს დაიწყეს. საპროტესტო აქციის მონაწილეები ითხოვდნენ: საბანკო სესხების გადავადებას, ტრანსპორტის მოძრაობის აღდგენას, უმუშევრობის კომპენსაციის შენარჩუნებას და, ასევე, უმუშევრობის კომპენსაციის ოდენობის გაზრდას. ოქტომბერი ბოლო თვეა, როცა ეს ადამიანები კომპენსაციას მიიღებენ.

გასულ კვირას აქციის მონაწილეებს აჭარის მთავრობის თავმჯდომარე დაჰპირდა, რომ მათ პრობლემებს ინდივიდუალურად კვირის ბოლომდე შეისწავლიდნენ.

„კვირა ამოიწურა, დღეს გვითხრეს აჭარის მთავრობაში, რომ ეროვნული ბანკის პასუხს ელოდებიან და ამ კვირის ბოლომდე უნდა დაველოდოთ… აქტივისტების ნაწილი პასუხს ელოდება და აქციაზე არ გამოსულა, ნაწილი კი, აქ ვართ და შიმშილობა დავიწყოთ. ვშიმშილობთ მე, გიორგი გორგილაძე და გია ტურაშვილი,“ – უთხრა „ბათუმელებს“ გიორგი გორგილაძემ.

საპროტესტო აქციის მონაწილეებმა საყვირებით უკვე ჩაიარეს მემედ აბაშიძის გამზირი და აჭარის მთავრობის სახლთან შეიკრიბნენ.

აქცია

აქცია მთავრობის სახლთან

ნეტგაზეთის მასალების სხვა გამოცემებში გადაბეჭდვის წესი
ავტორი