აჭარაში პირველი ოქტომბრიდან დღემდე, 12 დღის განმავლობაში, კორონავირუსით 31 ადამიანი გარდაიცვალა.
გარდაცვლილთა შორის ასაკობრივად ყველაზე უმცროსი 51 წლის იყო, ყველაზე უფროსი კი – 90 წლის.
დღეების მიხედვით აჭარაში კორონავირუსით გარდაცვალების სტატისტიკა ასე გამოიყურება:
- 12 ოქტომბერი – 4 გარდაცვლილი
- 11 ოქტომბერი – 3 გარდაცვლილი
- 10 ოქტომბერი – 4 გარდაცვლილი
- 9 ოქტომბერი – 2 გარდაცვლილი
- 8 ოქტომბერი – 3 გარდაცვლილი
- 7 ოქტომბერი – 3 გარდაცვლილი
- 6 ოქტომბერი – 3 გარდაცვლილი
- 5 ოქტომბერი – 2 გარდაცვლილი
- 4 ოქტომბერი – 1 გარდაცვლილი
- 3 ოქტომბერი – 2 გარდაცვლილი
- 2 ოქტომბერი – 2 გარდაცვლილი
- 1 ოქტომბერი – 2 გარდაცვლილი
ბოლო დღეებია აჭარაში კოვიდინფიცრების ახალი შემთხვევების რაოდენობა იკლებს, თუმცა ვირუსის შედეგად გარდაცვლილების რაოდენობა არ მცირდება.
გასულ კვირას აჭარაში თსსუ-ის პირველი საუნივერსიტეტო კლინიკის დირექტორი ლევან რატიანი იმყოფებოდა კონსულტანტების გუნდთან ერთად. მათი აჭარაში ჩამოსვლის მიზანი აჭარის კოვიდკლინიკებში კლინიკური მართვის ხარისხის შეფასება და მძიმე პაციენტების ჯანმრთელობის მდგომარეობის მართვის კუთხით გამოცდილების გაზიარება იყო. რატიანმა განაცხადა, რომ ბათუმსა და ქობულეთში ყველა კოვიდკლინიკა სტანდარტს აკმაყოფილებს და კლინიკები პროტოკოლის მიხედვით მუშაობენ.
საქართველოს ჯანდაცვის მინისტრის მოადგილის, თამარ გაბუნიას განცხადებით აჭარაში მთავარი გამოწვევა კრიტიკული პაციენტების მართვაა.
ამავე თემაზე:
https://netgazeti.ge/news/487575/
