განათლება,მთავარი,სიახლეები

მასწავლებლობის მსურველთა გამოცდების შედეგები საგნების მიხედვით

09.10.2020 • 2361
მასწავლებლობის მსურველთა გამოცდების შედეგები საგნების მიხედვით

2020 წლის ზაფხულში მასწავლებლობის მსურველებმა საგნობრივი კომპეტენციის დამადასტურებელი გამოცდები ჩააბარეს. იხილეთ საგნობრივი გამოცდის ოფიციალური შედეგები კონკრეტულ საგნების მიხედვით.

ქართულ ენას 771 მასწავლებლობის მსურველი აბარებდა. მაქსიმალური ბარიერი ამ საგანში 70 ქულაა, გამსვლელი ქულა კი 43. ბარიერი ვერ გადალახა 528 პირმა.

მათემატიკის გამოცდას 323 მასწავლებლობის მსურველი აბარებდა, მაქსიმალური ზღვარი 52  ქულა იყო მათემატიკაში, მინიმალური 32. ბარიერი ვერ გადალახა 209 პირმა.

ინგლისურ ენაში გამოცდას 1032 პირი აბარებდა, ზღვარი ვერ გადალახა 716 კონკურსანტმა. მაქსიმალური ზღვარი უცხო ენაში 90 ქულა იყო, მინიმალური კი 55 ქულა.

ისტორიას 638 ადამიანი აბარებდა, ბარიერი ვერ გადალახა 479 კონკურსანტმა. ისტორიაში მაქსიმალური ქულა 60 იყო, მინიმალური კი 37 ქულა.

გეოგრაფიის გამოცდას მასწავლებლობის 250 მსურველი აბარებდა, ბარიერი ვერ გადალახა 221-მა პირმა. მხოლოდ 29 კონკურსანტმა შეძლო კომპეტენციის დადასტურება.

საბუნებისმეტყველო საგნის გამოცდის შედეგები:

ფიზიკას 148 პირი აბარებდა, ბარიერი მხოლოდ 32 დაძლია, 116-მა კომპეტენცია ვერ დაადასტურა. ფიზიკაში მაქსიმალური ქულა 70 იყო, გამსვლელი ქულა 43.

ქიმიას აბარებდა 171 პირი, ბარიერი ვერ დაძლია 134-მა კონკურსანტმა. მხოლოდ 37-მა მასწავლებლობის მსურველმა შეძლო კომპეტენციის დადასტურება. ქიმიაში მაქსიმალური ქულა 70 იყო, მინიმალური 43.

ბიოლოგიას 368 პირი აბარებდა, ბარიერი ვერ გადალახა 223 პირმა. მაქსიმალური ქულა ბიოლოგიაში 63, ხოლო მინიმალური 38 ქულაა.

დაწყებითი განათლების მასწავლებლობის სურვილი 1 974-მა პირმა გამოთქვა, თუმცა ბარიერის გადალახვა მხოლოდ 214 კონკურსანტმა მოახერხა. 1 760-მა კი ვერ შეძლო კომპეტენციის დადასტურება. დაწყებით საფეხურზე მაქსიმალური ზღვარი 80 ქულაა, მინიმალური კი 49 ქულა.

სამოქალაქო განათლებაში 562 პირიდან კომპეტენციის დადასტურება მხოლოდ 204 პირმა შეძლო, 358 კი ჩაიჭრა.

I-VI კლასების ქართული ენა და ლიტერატურის მასწავლებლობის სურვილი 715 პირს ჰქონდა, თუმცა ბარიერი მხოლოდ 80 აპლიკანტმა გადალახა, ჩაიჭრა 635 პირი.

ამავე კლასების მათემატიკასა და ბუნებისმეტყველებაში ბარიერი თითქმის ერთი და იგივე რაოდენობამ – 202 მსურველმა გადალახა, ჩაიჭრა 600-ზე მეტი. ორივე საგანში მაქსიმალური ქულა იყო 65, მინიმალური კი 40 ქულა.

ინფორმაციული და საკომუნიკაციო ტექნოლოგიების გამოცდას 299 პირი აბარებდა, თუმცა ბარიერი მხოლოდ 15 პირმა გადალახა, ჩაიჭრა 284 მასწავლებლობის მსურველი.

სახელოვნებო საგნის გამოცდის შედეგები:

სახვითი და გამოყენებითი ხელოვნებაში გამოცდას აბარებდა 387 პირი, ბარიერი ვერ გადალახა 211 პირმა.

მუსიკაში კომპეტენციას 302 პირი ადასტურებდა, ბარიერი ვერ დაძლია 182-მა პირმა.

სპორტი: 

სპორტის გამოცდას 604 ადამიანი აბარებდა, ჩაიჭრა 411.

მთლიანობაში, 2020 წლის ზაფხულში ჩატარებული საგნობრივი კომპეტენციის დამადასტურებელ გამოცდაზე 11 908 მასწავლებლობის მსურველი დარეგისტრირდა, თუმცა გამოცდაზე  1 468 არ გამოცხადდა. 7 706-მა კი კომპეტენცია ვერ დაადასტურა.

______________________________

მთავარი ფოტო: მასწავლებლობის მსურველთა გამოცდები 2020/გამოცდების ეროვნული ცენტრი.

გადაბეჭდვის წესი


ასევე: