Batumelebi | ბათუმში 61 წლის ქალი გარდაიცვალა კორონავირუსით ბათუმში 61 წლის ქალი გარდაიცვალა კორონავირუსით – Batumelebi
RU | GE  

ბათუმში 61 წლის ქალი გარდაიცვალა კორონავირუსით

დღეს, 30 სექტემბერს, ბათუმის რესპუბლიკურ საავადმყოფოში 61 წლის ქალი გარდაიცვალა კორონავირუსით.

„ქალი რესპუბლიკურ საავადმყოფოში შეყვანილი იქნა 30 სექტემბერს, ღამით, სასწრაფო დახმარების ბრიგადის მიერ. დიაგნოზით – კოვიდ 19, ტოტალური პნევმონია, ჭარბი წონა, გულის უკმარისობა, პაციენტის მდგომარეობა კლინიკაში შეყვანისთანავე შეფასდა რთულად.

კლინიკაში მაშინვე გატარდა შესაბამისი ღონისძიებები, თუმცა დაავადებების სირთულიდან გამომდინარე, სამწუხაროდ, პაციენტის გადარჩენა ვერ მოხერხდა“, – აღნიშნულია აჭარის ჯანდაცვის სამინისტროს მიერ გავრცელებულ განცხადებაში.

ეს უკვე საქართველოში კორონავირუსით პაციენტის გარდაცვალების 38-ე შემთხვევაა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com