საქართველოში ბოლო 24 საათში კორონავირუსით 3 პაციენტი გარდაიცვალა, მათგან ორი ბათუმის რესპუბლიკურ საავადმყოფოში მკურნალობდა.
ერთ-ერთი მათგანი, 65 წლის კაცი, 22 სექტემბერს შეიყვანეს კლინიკაში დიაგნოზით – კოვიდ 19, ორმხრივი პნევმონია, სუნთქვის მწვავე უკმარისობა, გულის ქრონიკული უკმარისობა. პაციენტი მოთავსდა რეანიმაციულ განყოფილებაში.
აჭარის ჯანდაცვის სამინისტროს ინფორმაციით, „პაციენტს ჰქონდა რთული ანამნეზი: გადატანილი ჰქონდა მოიკარდიუმის ინფარქტი, შაქრიანი დიაბეტი ტიპი 2, ორმხრივი ჰიდროთორაქსი“. პაციენტი 28 სექტემბერს, 07:45 საათზე გარდაიცვალა.
ასევე ბათუმში გარდაიცვალა კორონავირუსით ინფიცირებული 70 წლის პაციენტი, კაცი, რომელიც 21 სექტემბერს მიიყვანა რესპუბლიკურ საავადმყოფოში სასწრაფო სამედიცინო დახმარების ჯგუფმა დიაგნოზით – კოვიდ 19, ცხელება, სუნთქვის მწვავე უკმარისობა.
აჭარის ჯანდაცვის სამინისტროს ინფორამაციით, „პაციენტს გადატანილი ჰქონდა: ინსულტი, ვეგატატიური სტატუსი“. პაციენტი გარდაიცვალა 28 სექტემბერს 08:25 საათზე.
28 სექტემბრის მონაცემებით, საქართველოში კორონავირუსით გარდაიცვალა 31 პაციენტი.