ურეხში, კოხტა გორას ქუჩაზე მცხოვრები მოსახლეობა მერიას სანიაღვრე არხების მოწესრიგებას სთხოვს, ასევე გზის სავალი ნაწილის გაფართოებას და ტროტუარის მოწყობას. მოსახლეობის თქმით, ძლიერი წვიმის დროს ქუჩაზე გაკეთებული მცირე ზომის გადასასვლელი ხიდი, რომლის ქვეშ არხი მიედინება, ვერ წვდება წყლის ძლიერ ნაკადს, გადმოდის და ტბორავს როგორც კოხტა გორას, ასევე ახლომდებარე მამია ვარშანიძის ქუჩას.
მოსახლეობის თქმით, პრობლემაა ასევე საკანალიზაციო სისტემის არარსებობა და სასმელი წყლის მცირე ნაკადით მიწოდება. მოქალაქეები მერის მოვალეობის შემსრულებელს ასევე სთხოვენ მუნიციპალური საბავშვო ბაღის დამატებას.
კოხტა გორას ქუჩაზე მცხოვრებმა ადამიანებმა წერილი დღეს, 24 სექტემბერს ბათუმის მერის მოვალეობის შემსრულებელს, არჩილ ჩიქოვანს მისწერეს. მოქალაქეებს ადვოკატირებას „საერთაშორისო გამჭვირვალობა საქართველო“ უწევს.
ამ თემაზე:
„ზაფხული იწყება აქ“ – ბათუმში ტურისტული სეზონი 15 ივნისს გაიხსნება
