Batumelebi | „ზაფხული იწყება აქ“ – ბათუმში ტურისტული სეზონი 15 ივნისს გაიხსნება „ზაფხული იწყება აქ“ – ბათუმში ტურისტული სეზონი 15 ივნისს გაიხსნება – Batumelebi
RU | GE  

„ზაფხული იწყება აქ“ – ბათუმში ტურისტული სეზონი 15 ივნისს გაიხსნება

აჭარაში ზაფხულის საზღვაო ტურისტული სეზონი ოფიციალურად 15 ივნისს, „ზაფხულის ფესტივალით“ გაიხსნება. ფესტივალის სლოგანია – “ზაფხული იწყება აქ”. უცვლელია ფესტივალის ჩატარების ადგილიც. ფესტივალი წელსაც ანბანის კოშკის მოპირდაპირედ, ზღვის სანაპიროზე ჩატარდება.

ფესტივალს მუსიკალურად ქართველი და უცხოელი შემსრულებლები, ბენდები  და დიჯეები გააფორმებენ. პლაჟზევე იქნება ღია კაფე-ბარები, სადაც სასმელების, ნაყინის, ხილის და კერძების შეკვეთა სპეციალურ ფასად იქნება შესაძლებელი. დღის განმავლობაში სტუმრებისთვის დაგეგმილია სპორტულ-გასართობი აქტივობები, რომელიც ყველა ასაკისა და კატეგორიის სტუმარზეა გათვლილი.

ფესტივალი 14:00 საათზე დაიწყება და 03:00 საათზე დასრულდება. ფესტივალზე დასწრება უფასოა.

„ზაფხულის ფესტივალი“ რეგიონში აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით იმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან