მთავარი,სიახლეები,ჯანმრთელობა

ჯანმო: ვაქცინა არ იქნება პანდემიის დასასრული

14.09.2020 • 1257
ჯანმო: ვაქცინა არ იქნება პანდემიის დასასრული

ჯანდაცვის მსოფლიო ორგანიზაციის ევროპის ოფისის ხელმძღვანელმა ჰანს კლუგემ განაცხადა, რომ ევროპა უნდა მოემზადოს ოქტომბერსა და ნოემბერში COVID 19-ით გარდაცვალების დღიური მაჩვენებლის მატებისთვის.

„სიტუაცია უფრო გამკაცრდება. ოქტომბერსა და ნოემბერში ჩვენ ვიხილავთ მეტ სიკვდილიანობას”, –  განაცხადა მან.  კონტინენტზე ამჟამად აღინიშნება ახალი შემთხვევების მასიური მატება, მაგრამ გარდაცვალებათა მაჩვენებელი შედარებით სტაბილურია.

ჯანმოს ცნობით, კვირას, 24 საათის განმავლობაში, მსოფლიოში 307 000 ახალი შემთხვევა დაფიქსირდა. დღეის მონაცემებით, მსოფლიოში დადასტურებულია კორონავირუსით ინფიცირების 29 007 970 და გარდაცვალების 924 000-ზე მეტი შემთხვევა ვირუსისგან.

ჯანმოს ევროპის რეგიონის 55 წევრი ქვეყანა 14-15 სექტემბერს ონლაინ შეხვედრას მართავს, რათა განიხილონ თავიანთი საპასუხო ქმედებები ახალ კორონავირუსთან მიმართებაში.

„გამუდმებით მესმის: „ვაქცინა იქნება პანდემიის დასასრული“: რა  თქმა უნდა, არ იქნება… ჩვენ არ ვიცით დაეხმარება თუ არა ვაქცინა მოსახლეობის ყველა ჯგუფს. ახლა ჩვენ ვხედავთ გარკვეულ ნიშნებს, რომ იგი დაეხმარება ერთ ჯგუფს, მაგრამ არა მეორეს.

პანდემიის დასასრული იქნება ის მომენტი, როცა ჩვენ, მთელი საზოგადოება ვისწავლით, თუ როგორ ვიცხოვროთ პანდემიასთან ერთად. ეს ჩვენზეა დამოკიდებული“, – განაცხადა ჰანს კლუგემ.

ამავე თემაზე: 

როდის დასრულდება პანდემია? – გერმანელი მეცნიერების პროგნოზები

გადაბეჭდვის წესი


ასევე: