აჭარის ჯანდაცვის სამინისტროს ინფორმაციით, აჭარაში კოვიდპაცინეტებს უკვე 6 სამედიცინო დაწესებულება მიიღებს. ეს დაწესებულებებია:
რესპუბლიკური საავადმყოფო, კლინიკა „მედალფა“, ინფექციური საავადმყოფი, ქობულეთის სამედიცინო ცენტრი, მეზღვაურთა საავადმყოფო და სამშობიარო სახლი.
350 საწოლფონდია მობილიზებული – განაცხადა დღეს, 14 სექტემბერს აჭარის მთავრობის თავმჯდომარემ, თორნიკე რიჟვაძემ. მისივე თქმით, ასევე მზადაა ე.წ. კოვიდსასტუმროებში 400 ნომერზე მეტი უსიმპტომო პაციენტების მისაღებად.
დილის მონაცემებით, ბათუმის სამ კლინიკაში უკვე 238 კოვოდინფიცირებული პაციენტია, რეგიონში სულ უფრო მეტი საწოლია საჭირო ინფიცირებულთა სამკურნალოდ.
ასევე, დღეის მონაცემებით, აჭარაში, კოვიდკარანტინში მეთვალყურეობაზე იმყოფება 97 პაციენტი. ეს ე.წ. უსიმპტომო პაციენტები არიან, რომელთაც კორონავირუსი დაუდასტურდათ, თუმცა კვეთრად გამოხატული სიმპტომები არ აქვთ.
ბოლო დღეებია აჭარაში კორონავირუსის ახალი შემთხვევები მატულობს. აჭარის საზოგადოებრივი ჯანდაცვის ცენტრი ფაქტობრივად აღარ აკეთებს აქცენტს კლასტერებზე, რადგან ვირუსის შემთხვევები დასტურდება ყველგან.
__________
ფოტოზე: ბათუმის რესპუბლიკური საავადმყოფო. ფოტო: აჭარის მთავრობა
