აჭარის საზოგადოებრივი ჯანდაცვის ცენტრის ხელმძღვანელის, რუსუდან შავიშვილის ინფორმაციით, ხულოს მუნიციპალიტეტში დადასტურდა კორონავირუსის შემთხვევა.
ჟურნალისტების კითხვაზე, ხულოში დაუდასტურდა თუ არა პოლიციელს და რესურსცენტრის თანამშრომელს კორონავირუსი, რუსუდან შავიშვილმა თქვა: „გამოკვეთილი არის შემთხვევა, რომელსაც ვიკვლევთ“.
14 სექტემბრის მონაცემებით, ბოლო 24 საათში აჭარაში კორონავირუსის 108 ახალი შემთხვევა დადასტურდა.
რუსუდან შავიშვილის თქმით, შემთხვევებს უკვე აღარ ითვლიან კლასტერების მიხედვით, „რადგან შიდა გავრცელება გვაქვს მაღალი“.
აჭარაში კოვიდპაციენტები უკვე 4 კლინიკაში გადიან მკურნალობის კურსს. ამ ეტაპზე ბათუმში, სტაციონარში მკურნალობს 238 პაციენტი. უსიმპტომო 97 პაციენტი კოვიდკარანტინში ჰყავთ გადაყვანილი.
გასული 24 საათის განმავლობაში აჭარაში აღებულ იქნა 2530 – PCR ტესტი.
ქვეყნის მასშტაბით ბოლო 24 საათის განმავლობაში კორონავირუსი 165 პირს დაუდასტურდა.
