Batumelebi | ბათუმში „ხოფის ბაზრობა“ ერთი დღით იკეტება ბათუმში „ხოფის ბაზრობა“ ერთი დღით იკეტება – Batumelebi
RU | GE  

ბათუმში „ხოფის ბაზრობა“ ერთი დღით იკეტება

აჭარის საზოგადოებრივი ჯანდაცვის ცენტრის ცნობით, ბათუმში ხვალ, 8 სექტემბერს, ხოფის ბაზრობა დაიკეტება.

„ხოფის ბაზრობას“ აჭარაში გამოვლენილი კორონავირუსის ახალი შემთხვევების გამო კეტავენ, ინფიცირების ერთი ახალი შემთხვევა სწორედ „ხოფის ბაზრობას“ უკავშირდება.

აჭარის საზოგადოებრივი ჯანდაცვის ცენტრის დირექტორის მოადგილის, ნონა ეფაძის განცხადებით, დღეს ბაზრობა დაკეტილია, რადგან სანიტარული დღეა და დაკეტილი იქნება ხვალაც. „ხოფის ბაზრობის“ მოვაჭრეებს კვლევები ჩაუტარდებათ.

„ხოფის ბაზრობა“ ბათუმში, სავარაუდოდ, 9 სექტემბერს გაიხსნება.

დღეს, 7 სექტემბერს, ბათუმში კორონავირუსის 20 ახალი შემთხვევა დადასტურდა.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com