აჭარის საზოგადოებრივი მაუწყებლის ერთ-ერთ თანამშრომელს covid-19 დაუდასტურდა – ინფორმაციას ამის შესახებ აჭარის ტელევიზია ავრცელებს.
საზოგადოებრივი მაუწყებლის აჭარის ტელევიზიისა და რადიოს ცნობით, 6 სექტემბერს, ტელევიზიაში ეპოდემიოლოგები დაიწყებენ პროტოკოლით დადგენილი სამუშაოების განხორციელებას.
ბოლო დღეებში აჭარაში კორონავირუსის ათობით შემთხვევა გამოვლინდა. 5 სექტემბრის მონაცემებით აჭარაში კორონავირუსზე 58 პაციენტს მკურნალობენ.
დაავადებათა კონტროლის ეროვნული ცენტრის დირექტორმა ამირან გამყრელიძემ აჭარაში შექმნილ სიტუაციას კორონავირუსის მიკროაფეთქება უწოდა.
