Batumelebi | „ყოველი მეოთხე ქალი საარჩევნო სიაში“ – „გირჩის“ სარჩელს საკონსტიტუციო განიხილავს  „ყოველი მეოთხე ქალი საარჩევნო სიაში“ – „გირჩის“ სარჩელს საკონსტიტუციო განიხილავს  – Batumelebi
RU | GE  

„ყოველი მეოთხე ქალი საარჩევნო სიაში“ – „გირჩის“ სარჩელს საკონსტიტუციო განიხილავს 

გენდერული კვოტირების წინააღმდეგ „გირჩის“ სარჩელს არსებითად საკონსტიტუციო სასამართლოს პლენუმი დღეს, 2 სექტემბერს, განიხილავს. დავის საგანი საარჩევნო კოდექსის ის სამართლებრივი ნორმაა, რომლის მიხედვითაც საპარლამენტო არჩევნებში მონაწილეობის მისაღებად პარტიული სიის ყოველი მეოთხე მაინც უნდა იყოს განსხვავებული სქესის წარმომადგენელი.

ამ კუთხით რეგისტრაციის პრობლემა წელს „გირჩს“ შეექმნა, როცა საპარლამენტო სიის პირველ ათეულში არც ერთი ქალი კანდიდატი არ არის.

სარჩელის ავტორი „გირჩთან“ ერთად არის: „ახალი პოლიტიკური ცენტრი“, ჰერმან საბო და ანა ჩიქოვანი.

კონსტიტუციური სარჩელის თანახმად, მოსარჩელე პოლიტიკურმა გაერთიანებამ შეიმუშავა სისტემა, რომლის საფუძველზეც არჩევნებში მონაწილეობისათვის პარტიული სიის ფორმირება სრულად დამოკიდებულია პარტიის პარტნიორთა მიერ გამოხატულ ნებაზე. მოსარჩელეები განმარტავენ, რომ მსგავსი ვალდებულებების დაკისრება გაუმართლებლად ზღუდავს საარჩევნო უფლებას და პოლიტიკურ პარტიას აიძულებს, საკუთარი პარტნიორების მიერ მიღებული გადაწყვეტილების უგულებელყოფას.

ნეტგაზეთის მასალების სხვა გამოცემებში გადაბეჭდვის წესი
ავტორი