Batumelebi | მერიის განცხადება „პატრიოტთა ალიანსის“ ბილბორდის ჩამოხსნაზე მერიის განცხადება „პატრიოტთა ალიანსის“ ბილბორდის ჩამოხსნაზე – Batumelebi
RU | GE  

მერიის განცხადება „პატრიოტთა ალიანსის“ ბილბორდის ჩამოხსნაზე

ბათუმის მერიის მუნიციპალური ინსპექცია დღეს, 29 აგვისტოს, „პატრიოტთა ალიანსის“ ბილბორდის ჩამოხსნასთან დაკავშირებით განცხადებას ავრცელებს. მათი განცხადებით, პოლიტიკურმა პარტიამ ბილბორდი ქალაქში უნებართვოდ განათავსა.

„ერთ-ერთი პოლიტიკური პარტიის მიერ ბათუმში 2 ლოკაციაზე განთავსებული სარეკლამო ბანერები ჩამოიხსნა კანონმდებლობით გათვალისწინებული ნორმების შესაბამისად.

აღნიშნულთან დაკავშირებით შედგენილია სამართალდარღვევის ოქმი, რომელიც შემდგომ გადაგზავნილი იქნება ბათუმის საქალაქო სასამართლოში განხილვის მიზნით“, – აცხადებს მერიის მუნიციპალური ინსპექცია.

„პატრიოტთა ალიანსის“ ბილბორდზე გამოსახულ საქართველოს რუკაზე,  რუსეთის მიერ ოკუპირებული აფხაზეთისა და სამხრეთ ოსეთის მსგავსად აჭარაც წითლად იყო აღბეჭდილი, რასაც საზოგადოების კრიტიკა მოჰყვა.

მოქალაქეებმა პროტესტის ნიშნად ქალაქში განთავსებული ორი ბილბორდი ჩამოხსნეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com