Batumelebi | აგვისტოს ბოლოს ბათუმში ფრანების ფესტივალი გაიმართება აგვისტოს ბოლოს ბათუმში ფრანების ფესტივალი გაიმართება – Batumelebi
RU | GE  

აგვისტოს ბოლოს ბათუმში ფრანების ფესტივალი გაიმართება

29 – 30 აგვისტოს ბათუმში ფრანების ფესტივალი გაიმართება.

ორი დღის განმავლობაში ბულვარის სანაპიროზე, სასტუმრო „ჰილტონის“ წინ, 12:00-დან 19:00 საათამდე გაიმართება ფესტივალის კოლექციაში შესული 100-მდე პროფესიონალური და სამოყვარულო ფრანების შოუ, ახალი ფრანის პრეზენტაცია და აშვება, რომელიც ფესტივალისთვის სპეციალურად შეიკერა ახალ ზელანდიაში,  მოწვეული მხატვრების მონაწილეობით ხელნაკეთი ფრანების დამზადება და მოხატვა და სამოყვარულო ფრანების აშვების მასტერკლასები.

ანონსის თანახმად, ფესტივალს მუსიკალურად გააფორმებენ მოწვეული დიჯეები.

ფრანების ფესტივალის ორგანიზატორია Kitedreams Georgia. ფესტივალი აჭარის განათლების სამინისტროს ფესტივალების საგრანტო კონკურსის გამარჯვებულია და ბიუჯეტიდან 25 000 ლარით ფინანსდება.

ფრანების ფესტივალზე დასწრება და მონაწილეობა თავისუფალია. უამინდობის შემთხვევაში ფესტივალი გამოდარებისთანავე გაიმართება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com