ბათუმში covid-19 კიდევ 4 პაციენტს დაუდასტურდა. აჭარის ჯანდაცვის სამინისტროს ინფორმაციით, ორი ქობულეთის გამოვლენილი შემთხვევის კონტაქტია, ორი – საერთაშორისო გადაზიდვების ავტომანქანის მძღოლი. მძღოლებიდან ერთი საქართველოს, ხოლო მეორე თურქეთის მოქალაქეა. ის მკურნალობის გასაგრძელებლად საკუთარ ქვეყანაში დაბრუნდა.
ამჟამად, 25 აგვისტოს მდგომარეობით, ბათუმის რესპუბლიკურ საავადმყოფოში 32 პაციენტი მკურნალობს. ერთ-ერთი პაციენტი, რომელსაც ბათუმში დაუდასტურეს კორონავირუსი, სამკურნალოდ ქუთაისში გადავიდა. ის ქუთაისში ცხოვრობს.
გასული 24 საათის განმავლობაში კორონავირუსზე ბათუმში 608 ლაბორატორიული კვლევა ჩატარდა.
კორონავირუსით ერთი ადამიანი გუშინ გარდაიცვალა, ერთიც დღეს.
stopcov.ge-ს მონაცემებით, კორონავირუსი სულ დაუდასტურდა 1 429 ადამიანს, გამოჯანმრთელდა – 1150, გარდაიცვალა – 19, კარანტინშია – 7005, სტაციონარში მეთვალყურეობის ქვეშ – 255.
