Batumelebi | ბათუმის ქუჩებში დაყრილი პირბადეები [ფოტო] ბათუმის ქუჩებში დაყრილი პირბადეები [ფოტო] – Batumelebi
RU | GE  

ბათუმის ქუჩებში დაყრილი პირბადეები [ფოტო]

COVID19-ის გავრცელების პრევენციისთვის უკვე რამდენიმე თვეა მსოფლიოს ბევრ ქვეყანაში სავალდებულო გახდა დახურულ სივრცეში პირბადის ტარება, რაც იმას ნიშნავს, რომ მსოფლიოში ყოველდღიურად მილიონობით ადამიანი იყენებს პირბადეს, მათგან ბევრი ერთჯერად პირბადესაც, რომელიც გამოყენების შემდეგ, უსაფრთხოების მიზნით, თავდახურულ ურნაში უნდა მოთავსდეს, თუმცა ხშირად ასე არ ხდება.

ჯანდაცვის მსოფლიო ორგანიზაციის რეკომენდაციით, გამოყენებული პირბადის მოშორებისას, უსაფრთხოების მიზნით, არ უნდა შეეხოთ მის წინა მხარეს, პირბადე უნდა მოიხსნათ მხოლოდ უკნიდან და დაუყოვნებლივ მოათავსოთ დახურულ ურნაში, რის შემდეგაც ხელები უნდა დაიბანოთ საპნითა და წყლით ან დაიმუშაოთ სპირტის ბაზაზე დამზადებული სანიტაიზერით. ასეთი რეკომენდაცია იმისთვის შეიმუშავეს სპეციალისტებმა, რომ უკვე გამოყენებული პირბადე ახალი ინფიცირების წყარო არ გახდეს, რადგან, თუ პირბადე ინფიცირებულ ადამიანს ეკეთა, იგი ვირუსის გადამტანია.

ვირუსი ვრცელდება დაავადებული ადამიანის რესპირაციული წვეთებიდან, რომელიც წარმოიქმნება ხველის ან დაცემინების დროს, უშუალო კონტაქტის გზით და ვირუსით ინფიცირებულ ზედაპირებთან შეხებით.

გამოყენებულ პირბადეებს ხშირად შეხვდებით ბათუმის ქუჩებში. არაერთი მოქალაქე პირდაპირ ქუჩაში აგდებს პირბადეს დახურულ ურნაში გადაგდების ნაცვლად.

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

გამოყენებული პირბადე ქუჩაში. ფოტო: „ბათუმელები“/ია ფრანგიშვილი

ამავე თემაზე:

პირბადეები და რეზინის ხელთათმანები ბათუმის სანაპიროზე და ზღვაშიც ყრია [ფოტო]

 

პირბადეებითა და პოლიეთილენის პარკებით დაბინძურებული ზღვა – წყალქვეშა კადრები [ფოტო]

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან