Batumelebi | 973 ლაბორატორიული კვლევის შედეგი ბათუმში უარყოფითია – კლინიკაში 10 პაციენტი რჩება 973 ლაბორატორიული კვლევის შედეგი ბათუმში უარყოფითია – კლინიკაში 10 პაციენტი რჩება – Batumelebi
RU | GE  

973 ლაბორატორიული კვლევის შედეგი ბათუმში უარყოფითია – კლინიკაში 10 პაციენტი რჩება

აჭარის ჯანდაცვის სამინისტროს ინფორმაციით, 973 ლაბორატორიული კვლევის შედეგი ბათუმში უარყოფითია, ამჟამად რესპუბლიკურ საავადმყოფოს კოვიდ ცენტრში მკურნალობის კურსს 10 პაციენტი გადის.

ბათუმის რესპუბლიკური საავადმყოფოს კლინიკური მენეჯერის, გია კიკაბიძის თქმით, კლინიკაში მოთავსებული პაციენტებიდან არცერთც არ აქვს სიცხე და მათი ჯანმრთელობის მდგომარეობა სტაბილურია.

„გუშინ დაუფიქსირდა ორ პაციენტს ტემპერატურა, რის გამოც გაუკეთდათ ფილტვების კომპიუტერული ტომოგრაფია, მაგრამ ანთებითი პროცესი არ აღმოჩნდა, მათ სიმპტომური მკურნალობა დაენიშნათ და დღეს აღარ აქვთ სიცხე. რამდენიმე დღეში პაციენტებს განმეორებით ჩაუტარდება PCR ტესტირება, რის შემდეგაც გვეცოდინება გამოჯანმრთელების მაჩვენებელი,“ – გვითხრა გია კიკაბიძემ.

დღეს, 25 ივლისს ქვეყნის მასშტაბით კორონავირუსით ინფიცირების 13 ახალი შემთხვევა დაფიქსირდა, მათ შორის, 2 სამედიცინო პერსონალია.

25 ივლისისთვის საქართველოში კოვიდ 19 ინფიცირების სულ 1117 შემთხვევაა დაფიქსირებული, მათ შორის, 917 გამოჯანმრთელდა. გარდაიცვალა – 16.

ნეტგაზეთის მასალების სხვა გამოცემებში გადაბეჭდვის წესი
ავტორი