დღეს, 20 ივლისს, ბათუმში კორონავირუსის ახალი შემთხვევა გამოვლინდა. როგორც “ბათუმელებისთვის” გახდა ცნობილი, ინფიცირებულია ტრაილერის მძღოლი.
ბათუმის რესპუბლიკურ საავადმყოფოში 20 ივლისის მდგომარეობით კორონავირუსზე სულ რვა პაციენტი მკურნალობს.
20 ივლისის მდგომარეობით კორონავირუსის 1039 შემთხვევაა დადასტურებული საქართველოში. მათ შორის გამოჯანმრთელდა 900, გარდაიცვალა 15. კარანტინის რეჟიმში 5 534 პირი რჩება, სტაციონარში მეთვალყურეობის ქვეშ კი – 267.