Batumelebi | ინასარიძის ქუჩაზე გაზის მილი დაზიანდა – გათიშულია 3500 აბონენტი ინასარიძის ქუჩაზე გაზის მილი დაზიანდა – გათიშულია 3500 აბონენტი – Batumelebi

ინასარიძის ქუჩაზე გაზის მილი დაზიანდა – გათიშულია 3500 აბონენტი

დღეს, 12 ივლისს, ინასარიძის ქუჩაზე გაზის მილი დაზიანდა, რის გამოც 3 500 აბონენტს გაზის მიწოდება შეუწყდა.

ადგილზე იმყოფებიან „სოკარის“ თანამშრომლები.

„სოკარ ჯორჯია გაზის“ აჭარის რეგიონული ოფისის დირექტორმა, ვახტანგ ბერიშვილმა გვითხრა, რომ გაზის მილი მშენებლებმა დააზიანეს სამუშაოების დროს.

„გათიშულია 3 500 აბონენტი,  ანგისა და მისი ჩიხები. დაზიანებული ადგილი დღეს შეკეთდება და ხვალ, შუადღემდე ჩაირთვება,“ – უთხრა „ბათუმელებს“ ვახტანგ ბერიშვილმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com