ჯონ ჰოპკინსის უნივერსიტეტის 9 ივლისის მონაცემებით, მსოფლიოში კორონავირუსით ინფიცირებულთა რიცხვი უკვე 12 მილიონს აღემატება.
2020 წლის იანვარში ჩინეთში ეპიდაფეთქებიდან დღემდე მსოფლიოში კორონავირუსით დაინფიცირდა 12 041 795 ადამიანი. ეს არის მხოლოდ იმ პაციენტების რაოდენობა, რომელთაც კორონავირუსი დაუდასტურდათ კვლევის შედეგად, ინფიცირებულთა რიცხვი, სავარაუდოდ, ამაზე გაცილებით დიდია.
იანვრიდან დღემდე, ახალი კორონავირუსული ინფექციით მსოფლიოში გარდაიცვალა 549 477 ადამიანი, მათგან ყველაზე მეტი – 132 309 ადამიანი – ამერიკის შეერთებულ შტატებში; 67 964 – ბრაზილიაში და 44 602 – დიდ ბრიტანეთში.
კორონავირუსის პანდემიის ეპიცენტრია აშშ-ი, სადაც კორონავირუსით დაინფიცირდა 3 055 0812 ადამიანი, ასევე, ბრაზილია – 1 713 160 დაინფიცირებული და ინდოეთი – 767 296 დაინფიცირებული.
მსოფლიო სტატისტიკის თანახმად, კორონავირუსისგან განიკურნა 6 587 439 ადამიანი.
__________________________
ფოტოზე: ბრაზილია, კოპაკაბანას სანაპირო, აქციაზე აქტივისტი ასობით ჯვარით მიანიშნებს იმ შეცდომაზე, რაც ბრაზილიის ხელისუფლებამ დაუშვა კორონავირუსთან ბრძოლაში. ქვეყნის პრეზიდენტი, ბოლსონარო თავიდან აცხადებდა, რომ კორონავირუსი უბრალო გრიპი იყო და მთავრობამ არ მიიღო შესაბამისი ზომები სიტუაციის სამართავად. ბრაზილია ახლა პანდემიის ერთ-ერთი ეპიცენტრია, კორონავირუსი დაუდასტურდა ქვეყნის პრეზიდენტს, ბოლსონაროსაც. ფოტო: ევროპის პრესპოტო სააგენტო. EPA/ANTONIO LACERDA