selftravel.ge არის პლატფორმა, რომელიც ტურისტული სექტორის ძირითად წარმომადგენლებს – სასტუმროების, რესტორნებისა და ტრანსპორტის მფლობელებს გაუადვილებს ბიზნესის მართვას და განვითარებას.
ტურისტულმა ობიექტებმა თავიანთი სერვისები პოტენციურ სტუმრებს რომ გააცნონ და შესთავაზონ, მათ სჭირდებათ ვებგვერდი, რომელიც ადვილად მოიძებნება. მართალია, კომპანიებს შეუძლიათ თავად შექმნან თავიანთი ვებგვერდი, მაგრამ ბიზნესში არსებობს მნიშვნელოვანი ცნება – “destination”, რაც გულისხმობს სივრცეს, სადაც მომხმარებლები იყრიან თავს. სწორედ Selftravel.ge-ს დახმარებით ტურისტული ობიექტი მიიღებს უფასო ვებგვერდს და ამავდროულად სივრცეს, სადაც პოტენციური ტურისტები არიან თავმოყრილი.
აღნიშნულ პლატფორმაზე განთავსებული ობიექტის ვებგვერდი მუდმივად იქნება მომხმარებლის განკარგულებაში სამ ენაზე (ქართული, ინგლისური, რუსული) უფასოდ მანამ, სანამ თავად არ წაშლის. აღნიშნული ვებგვერდის მართვა და რედაქტირებაც დამოუკიდებლად შეუძლიათ თავად მომხმარებლებს.
ასეთი ვებგვერდის გახსნა ყველას შეუძლია დამოუკიდებლად და მარტივად ტურიზმისა და სერვისების პლატფორმაზე www.selftravel.ge, რისთვისაც საჭიროა რეგისტრაციის გავლა – ელ-ფოსტისა და საკონტაქტო მობილურის მითითება, ობიექტის შესაბამისი პუნქტების მონიშვნა, ფოტოების ატვირთვა და ა.შ.
გარდა იმისა, რომ ტურისტული სექტორის წარმომადგენლებს, ნებისმიერი ტიპის სასტუმროებს, რესტორნებსა და ტრანსპორტის მფლობელებს ვთავაზობთ უფასო ვებგვერდს და “destination”-ს, ამ გვერდის მნიშვნელოვანი უპირატესობა არის ის, რომ მას აქვს ისეთი ფუნქციები, რომლებიც ამარტივებს ტურისტული სერვისის მიმწოდებლებსა და მათ კლიენტებს შორის კომუნიკაციას.
ვებგვერდის საკომუნიკაციო ფუნქციები, ერთი მხრივ, მომხმარებელს აძლევს საშუალებას დარეკოს პირდაპირ საიტიდან, ობიექტებს მისწეროს ტექსტი, დაჯავშნოს სერვისი (მაგალითად, მაგიდა რესტორანში), შეინახოს საინტერესო ობიექტი ფავორიტებში და დაგეგმოს მოგზაურობა, ასევე ბიზნესის წარმომადგენლებს უადვილებს საკუთარ მომხმარებლებთან კომუნიკაციას.
მაგალითად, ყველა ტურისტულ ობიექტს ჰყავს საკუთარი მომხმარებელი, მისი სტუმარი და ძალიან მნიშვნელოვანია, რომ ობიექტმა მასთან არ გაწყვიტოს კავშირი, დროთა განმავლობაში შეახსენოს თავი, მიაწოდოს სიახლე და გაითვალისწინოს მათი შენიშვნები.
ამისათვის www.selfTravel-ზე განთავსებული ობიექტის ვებგვერდი ავტომატურად ინახავს ყველა მომხმარებლის რეკვიზიტებს, მიღებული მომსახურების შეფასებასა და კონტაქტებს, განხორციელებულ ჯავშნებს, პოტენციური კლიენტების გზავნილებს, ვებგვერდის ნახვების სტატისტიკას და სხვა.
ობიექტის საკონტაქტო ტელეფონზე სმს-ების სახით და ელ-ფოსტის მისამართზე ავტომატურად ერთდროულად შემოდის დამსვენებელთა წერილები, ინფორმაცია სტუმრების მიერ განხორციელებული შეკვეთების შესახებ და ეს ყველაფერი ინახება ობიექტის ვებგვერდის კაბინეტშიც.
selftravel.ge-ის ონლაინსივრცე მოიცავს როგორც ზემოთ აღწერილ და სხვა მრავალ უფასო სერვისს, ასევე დამატებით ფასიან სერვისებსაც.
ფასიანი სერვისების სახით ამჟამად წარმოდგენილი გვაქვს სპეციალური სარეკლამო პაკეტები, რომლებიც ემსახურება კონკრეტული ტურისტული ობიექტის პოპულარიზაციასა და მის შესახებ ინფორმაციის მიწოდებას პოტენციური კლიენტებისთვის.
ტურიზმისა და სერვისების პლატფორმა მარტივად გამოიყენება როგორც კომპიუტერის, ასევე ტელეფონის მეშვეობითაც და მასში ჩართული ყველა ტურისტული ობიექტი ერთმანეთს აძლიერებს.
