გარემოს ეროვნული სააგენტოს აჭარის რეგიონალური ჰიდრომეტეოროლოგიური ობსერვატორიის ინფორმაციით, უმეტესად უნალექო, მოღრუბლული და ცხელი ამინდი ბათუმში შენარჩუნდება დღეს, 7 ივლისს და ხვალაც. სინოპტიკოსების ცნობით, ხვალ, საღამოს 8-9 საათის შემდეგ მოსალოდნელია წვიმა.
იქროლებს ცვალებადი მიმართულების ქარი 10-15 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
- დღისით: 30 – 35 გრადუსი
- ღამით: 20 – 25 გრადუსი
მაღალ მთაში მოსალოდნელია:
- დღისით: 20 – 25 გრადუსი
- ღამით: 13 – 18 გრადუსი
ზღვის წყლის ტემპერატურა 28 გრადუსია.
აჭარის რეგიონალურ ჰიდრომეტეოროლოგიურ ობსერვატორიაში გვითხრეს, რომ ზღვის წყლის ეს ტემპერატურა ამ პერიოდისათვის ნორმალურია. ბოლო წლებში ზღვის წყლის ყველაზე მაღალი ტემპერატურა 2010 წელს დაფიქსირდა, +33 გრადუსი.
9-10 ივლისს ბათუმში და აჭარის მთელს ტერიტორიაზე მოსალოდნელია დროგამოშვებით წვიმა,ზოგან – ძლიერი.
_____________
ფოტო: „ბათუმელები“/მანანა ქველიაშვილი