Batumelebi | ინდოეთი მესამე ადგილზეა მსოფლიოში კორონავირუსის გავრცელებით ინდოეთი მესამე ადგილზეა მსოფლიოში კორონავირუსის გავრცელებით – Batumelebi

ინდოეთი მესამე ადგილზეა მსოფლიოში კორონავირუსის გავრცელებით

ინდოეთი უკვე მესამე ქვეყანაა მსოფლიოში ახალი კორონავირუსის დადასტურებული შემთხვევების რაოდენობით. ჯონ ჰოპკინსის უნივერსიტეტის მონაცემების თანახმად, ქვეყანაში 697 413 შემთხვევაა დადასტურებული. ამ მონაცემებით ინდოეთმა გაუსწრო რუსეთს, სადაც დადასტურებულია Covid19-ის 686 777 შემთხვევა.

დღევანდელი მონაცემებით, ინდოეთში კორონავირუსით 19 693 ადამიანი გარდაიცვალა, გამოჯანმრთელდა – 424 433 ადამიანი.

6 ივლისის მონაცემებით, კორონავირუსის ყველაზე მეტი დადასტურებული შემთხვევაა შემდეგ ქვეყნებში:

  • ამერიკის შეერთებული შტატები – 2, 888, 729
  • ბრაზილია – 1,603,055
  • ინდოეთი – 697, 413
  • რუსეთი – 686, 777
  • პერუ – 302, 718
  • ჩილე – 295, 532
  • დიდი ბრიტანეთი – 286, 932
  • მექსიკა – 256, 848
  • ესპანეთი – 250, 545
  • იტალია – 241, 611

2020 წლის იანვარში ჩინეთში ახალი კორონავირუსის ეპიდაფეთქებიდან დღემდე მსოფლიოში Covid19-ით დაინფიცირდა 11 458 291 ადამიანი. ეს არის მხოლოდ იმ პაციენტების რაოდენობა, რომელთაც კორონავირუსი დაუდასტურდათ კვლევის შედეგად, ინფიცირებულთა რიცხვი, სავარაუდოდ, ამაზე გაცილებით დიდია.

ახალი კორონავირუსული ინფექციით მსოფლიოში გარდაიცვალა  534 460 ადამიანი.

_________________

ფოტოზე: ინდოეთი, მუმბაი. ჯანდაცვის მუშაკი სიცხეს უზომავს ბავშვს. ფოტო: ევროპის პრესფოტო სააგენტო. EPA/DIVYAKANT SOLANKI

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com