Batumelebi | ბათუმის მერია „ეშმაკის ბორბალს“ 383 000 ლარად ასხვისებს – აუქციონი ბათუმის მერია „ეშმაკის ბორბალს“ 383 000 ლარად ასხვისებს – აუქციონი – Batumelebi
RU | GE  

ბათუმის მერია „ეშმაკის ბორბალს“ 383 000 ლარად ასხვისებს – აუქციონი

პანდემიის პირობების მიუხედავად, ბათუმის მერია შეეცდება ბულვარში არსებული ატრაქციონი, „ეშმაკის ბორბალი“ და მასთან არსებულ 1419 კვ.მ. ტერიტორია ელექტრონული აუქციონით გაასხვისოს. ყოფილ მოიჯარეს, შპს „პანორამა 2018“-ს ხელშეკრულების ვადა გაუვიდა. ამ ქონებით სარგებლობის წლიური საიჯარო ფასი 383 000 ლარი იქნება.

ქონების აუქციონის წესით გასხვისებას დღეს ბათუმის საკრებულოში მხარი დაუჭირეს, თუმცა გამოთქვეს ეჭვი, რომ შესაძლოა პანდემიის პირობებში ეს აუქციონიც ჩავარდეს, როგორც სხვები.

დღესვე საკრებულომ მხარი დაუჭირა იმ მოიჯარეებისთვის ქონების პირდაპირი წესით გადაცემას, რომლებიც ბულვარში სეზონურად მუშაობენ და წელს მათ აუქციონებში მონაწილეობა არ მიუღიათ.

რაც შეეხება პანორამულ ბორბალს, მერიაში განმარტეს, რომ მის გასხვისებასთან დაკავშირებით აუქციონი არ ყოფილა გამოცხადებული: „ხომ შეიძლება შედგეს“, ამიტომაც მისი პირდაპირი წესით განკარგვა არ განუხილავთ.

ბათუმის ბულვარში მოიჯარეებს ხელშეკრულების ვადები გაუგრძელეს

ნეტგაზეთის მასალების სხვა გამოცემებში გადაბეჭდვის წესი
ავტორი