Batumelebi | ბუსსს „ანრის“ ადმინისტრაციამ წლის აქტიური თანამშრომლები და სტუდენტები დააჯილდოვა ბუსსს „ანრის“ ადმინისტრაციამ წლის აქტიური თანამშრომლები და სტუდენტები დააჯილდოვა – Batumelebi
RU | GE  

ბუსსს „ანრის“ ადმინისტრაციამ წლის აქტიური თანამშრომლები და სტუდენტები დააჯილდოვა

მსოფლიოში არსებული მდგომარეობის გამო მრავალი ღონისძიება გადაიდო და გაუქმდა. მათ შორის, ვერც მეზღვაურთა საერთაშორისო დღე აღინიშნა მასშტაბურად, ვერ გაიმართა ბუსსს „ანრის“ უკვე ტრადიციადქცეული სხვადასხვა ღონისძიება. თუმცა „ანრის“ ადმინისტრაციის მიერ მიღებული გადაწყვეტილებით, ერთ-ერთი ღონისძიება – წლის განმავლობაში აქტივობით გამორჩეული პერსონალისა და სტუდენტების დაჯილდოვების ცერემონია, რომელიც იმართებოდა 25 ივნისს,მეზღვაურთა დღეს, მაინც ჩაატარა.

მეზღვაურთა პროფესიულ საერთაშორისო დღესთან დაკავშირებით ბუსსს „ანრიში“ გაიმართა შემდეგი ღონისძიებები:

20 ივნისს ჩატარდა ონლაინ საერთაშორისო კონფერენცია „უცხო ენის მნიშვნელობა სხვადასხვა პროფესიაში“. კონფერენციის მონაწილეებმა სხვადასხვა კონტექსტში განიხილეს უცხო ენის ცოდნის მნიშვნელობა კარიერული განვითარებისათვის; ისაუბრეს ლინგვისტიკასა და ლინგო-პოეტიკურ ანალიზზე, ენათმეცნიერული-პოეტური ანალიზის სახეებსა და.ა.შ. ასევე, ენობრივ და კულტურულ ფაქტორებზე.

კონფერენციაზე მოხსენებით წარდგნენ როგორც ბუსსს „ანრის“ აკადემიური პერსონალი და სტუდენტები, ასევე ქართული და უცხო ქვეყნის 15-მდე უნივერსიტეტის პროფესორები, ლექტორები და სტუდენტები. მათ შორის უკრაინის, აზერბაიჯანის, ყირგიზეთის, მოლდოვის, რუმინეთის და ინდოეთის უმაღლესი სასწავლო დაწესებულებების წარმომადგენლები.

მეზღვაურთა დღესთან დაკავშირებული ღონისძიებების ფარგლებში, 24 ივნისს გაიმართა საჯარო ლექცია თემაზე:  “ისტორიები საზღვაო წარსულიდან”.

ონლაინლექციაზე განიხილებოდა:

  • ისტორიები მეზღვაურთა პროფესიის შესახებ, საქართველოს და მსოფლიო საზღვაო ისტორია
  • ძველი საზღვაო გზები, დიდი გეოგრაფიული აღმოჩენები. ძველი ეგვიპტის საზღვაო ისტორიები
  • ისტორიები ფინიკიელების გემთმშენებლობის შესახებ და მათი საზღვაო საქმიანობის განვითარების ეტაპები
  • ძვ.წ. 15-14 საუკუნეში ჩამოყალიბებული სახელმწიფოს ეგრისის- კოლხეთის, სამეფოს მრავალრიცხოვანი საზღვაო-სამხედრო ფლოტის არსებობის შესახებ
  • 1720 წლის გრენგამის საზღვაო ბრძოლა ბალტიის ზღვაში რუსეთსა და შვედეთს შორის
  • აგრეთვე საუბარი შეეხებოდა პირველი მსოფლიო ომის დროინდელ საზღვაო ბრძოლას იუტლანდიის ნახევარკუნძულთან 1916 წელს

მეზღვაურთა დღესთან დაკავშირებული ღონისძიებების ფარგლებში  გაიმართა დაჯილდოების ცერემონია.

 ბათუმის უმაღლესი საზღვაო საინჟინრო სასწავლებელ „ანრის“ გენერალური დირექტორის გადაწყვეტილებით, ფულადი ჯილდო გადაეცათ ბუსსს „ანრის“ იმ თანამშრომლებს, რომლებიც დაარსების დღიდან არიან დასაქმებულები ბუსსს „ანრიში“;

ფულადი ჯილდო გადაეცათ ბუსსს „ანრის“ უხუცეს თანამშრომლებს;

მადლობის სიგელებით დაჯილდოვდნენ ის ლექტორ-მასწავლებლები, რომლებიც აქტიურად იყვნენ ჩართულნი ბუსსს „ანრის“ მიერ ორგანიზებულ ღონისძიებებში და აქტიურად მონაწილეობდნენ სასწავლო პროცესის წარმართვაში. ასევე სერტიფიკატები და მადლობის სიგელები გადაეცათ იმ სტუდენტებს, რომლებიც აქტიურად იღებდნენ მონაწილეობას სხვადასხვა ღონისძიებაში და გამოირჩეოდნენ სწავლით.

ონლაინდაჯილდოების ცერემონიაზე ისაუბრეს იმაზე, თუ რაოდენ მალე დანერგა  სასწავლებელმა ონლაინსწავლება და გაატარა ყველა ის ღონისძიება, რაც საჭიროა სტუდენტებისათვის ხარისხიანი განათლების მიწოდებისთვის. ვინაიდან,  პედაგოგიური და საზღვაო საინჟინრო ფაკულტეტის პერსონალი არ იყო მზად ახალი, ვირტუალური სწავლა-განათლებისთვის, გადაწყდა მათთვის ჩატარებულიყო ტრენინგების სერია. რამაც დადებითი შედეგი გამოიღო.

ბუსსს „ანრის“ რექტორი რუსლან დიასამიძე

ბუსსს „ანრის“ რექტორი რუსლან დიასამიძე

აღსანიშნავია, რომ ბუსსს „ანრის“ არ შეუწყვეტია საჯარო ლექციების და იმ სხვადასხვა აქტივობის გამართვა, რომლებიც სტუდენტებს აძლევს დამატებით განათლებას.

პანდემიის დროს კი, როგორც სხვა დანარჩენი სასწავლო დაწესბულებებისათვის, ასევე, ბუსსს „ანრისთვისაც“  ყველაზე დიდი პრობლემა იყო და ნაწილობრივ ჯერ კიდევ რჩება პრობლემად, პრაქტიკული და ლაბორატორიული კვლევების ჩატარება. თუმცა როდესაც დაწესებული შეზღუდვები ნაწილობრივ შემსუბუქდა, ჩვენ უსაფრთხოების წესების დაცვითა და რეკომენდაციების გათვალისწინებით, მოვამზადეთ გრაფიკი, რომლის მიხედვითაც შევძლებთ ჩავატაროთ პრაქტიკული და ლაბორატორიული კვლევები.

ხანგრძლივი პაუზის შემდეგ, წარმატებით გავიარეთ საზღვაო ტრანსპორტის სააგენტოს შემოწმება პანდემიის პრევენციის ინსტრუქციის შესაბამისობაზე და აღვადგინეთ მეზღვაურთა საწვრთნელი კურსები. დღეს სასწავლებელი უზრუნველყოფილია სავალდებულო აღჭურვილობით და საშუალებებით, რათა თანამშრომლები და მსმენელები დაცული იყვნენ ვირუსისგან.

ამ სირთულეების მიუხედავად, ბუსსს „ანრიმ“ შეიძინა, დაამონტაჟა და ექსპლუატაციაში ჩაუშვა ახალი სიმულატორი, რომელიც გამოიყენება სატვირთო და საბალასტო ოპერაციების სამართავად  აირმზიდი გემებისათვის.

ნეტგაზეთის მასალების სხვა გამოცემებში გადაბეჭდვის წესი
ავტორი