დღეს, 29 ივნისს, ბათუმში მეზღვაურთა საერთაშორისო დღესთან დაკავშირებით შორეული ნაოსნობის კაპიტნები დააჯილდოვეს. ცერემონიას პრემიერ-მინისტრი გიორგი გახარია, აჭარის მთავრობის თავმჯდომარე თორნიკე რიჟვაძე და სხვა ოფიციალური პირები ესწრებოდნენ. დაჯილდოების ცერემონია ბათუმის პორტში გაიმართა.
- დანკო კვარაცხელია – შორეული ნაოსნობის კაპიტანი
- ოთარ ვარშანიძე – შორეული ნაოსნობის კაპიტანი
- ბეგლარ კორძაია – შორეული ნაოსნობის კაპიტანი
საქართველოს ეკონომიკისა და მდგრადი განვითარების მინისტრმა ნათია თურნავამ ჯილდო გადასცა:
- მურთაზ დევაძეს – შორეული ნაოსნობის კაპიტანი. მოქმედი ლოცმანი
- მირიან ცინცაძეს – ფოთის ნავსადგურის სახელმწიფო კონტროლის და ზედამხედველობის სამსახურის ოფიცერი
ასევე დაჯილდოვდნენ უფროსი მექანიკოსები:
- თენგიზ ოსეფაშვილი – უფროსი მექანიკოსი
- ოვანეს მიკირტიჩიანი – ინჟინერ-მექანიკოსი
აჭარის მთავრობის თავმჯდომარემ თორნიკე რიჟვაძემ კი ჯილდო გადასცა შორეული ნაოსნობის კაპიტნებს:
- გენადი ბაღიშვილს
- მალხაზ ვარშანიძეს
საქართველოს საზღვაო სფეროს განვითარებაში შეტანილი წვლილისთვის დღეს დააჯილდოვეს უფროსი მექანიკოსი ტარიელ დოლიძე, კაპიტანი – გია დობორჯგინიძე და კაპიტნის უფროსი თანაშემწე მინდია ჟოჟაძე, რომელიც ამჟამად შორეულ ნაოსნობაში იმყოფება.
დაჯილდოებამდე ზღვაში გვირგვინის ჩაშვების ტრადიციული ცერემონია გაიმართა, ამით წუთიერი დუმილით პატივი მიაგეს პროფესიული მოვალეობის შესრულების დროს გარდაცვლილ მეზღვაურებს.
გიორგი გახარიამ მეზღვაურებთან შეხვედრისას განაცხადა, რომ საზღვაო სფეროს განვითარების გარეშე საქართველო ეკონომიკურად ვერაფერს მიაღწევს:
„შავი ზღვა არის ამ ქვეყნის მომავალი, შავი ზღვა არის ჩვენი ბედი და საქართველოს კარიბჭე და ვერაფერს, ეკონომიკურად ჩვენ ვერ მივაღწევთ, თუ მეზღვაურის პროფესია არ გახდა ამ ქვეყანაში ერთ-ერთი ყველაზე დაფასებული, საჭირო და მეზღვაურის განათლება ხარისხობრივად სულ უფრო თუ არ განვითარდა“.
მან ასევე ისაუბრა ფოთში მეზღვაურთა პროფესიული სასწავლებლის მშენებლობასა და საზღვაო ინფრასტრუქტურის განვითარებაზე.