დღეს, 26 ივნისს, ბათუმში, აჭარის ტელევიზიის წინ აქცია გაიმართა აჭარის ტელევიზიისა და რადიოს დასაცავად. აქციის ორგანიზატორი აჭარის საზოგადოებრივი მაუწყებლის ალტერნატიული პროფესიული გაერთიანებაა.
აქციის მონაწილეები ითხოვენ საზოგადოებრივი მაუწყებლის აჭარის ტელევიზიასა და რადიოში შეწყდეს თანამშრომელთა დევნა და სამსახურში აღადგინონ ყველა ის თანამშრომელი, რომელიც ახალმა მენეჯმენტმა გაათავისუფლა ტელევიზიიდან ან პოზიცია შეუცვალა.
აქცია აჭარის ტელევიზიასთან. 26 ივნისი, 2020 წელი. ფოტო: „ბათუმელები“/მანანა ქველიაშვილი
აქცია აჭარის ტელევიზიასთან. 26 ივნისი, 2020 წელი. ფოტო: „ბათუმელები“/მანანა ქველიაშვილი
აქცია აჭარის ტელევიზიასთან. 26 ივნისი, 2020 წელი. ფოტო: „ბათუმელები“/მანანა ქველიაშვილი
აქცია აჭარის ტელევიზიასთან. 26 ივნისი, 2020 წელი. ფოტო: „ბათუმელები“/მანანა ქველიაშვილი
ფოტო: „ბათუმელები“/როინ გუნდაძე
აჭარის ტელევიზიაში უკვე წელიწადზე მეტია მიმდინარეობს ცვლილებები, რასაც აჭარის ტელევიზიისა და რადიოს თანამშრომლების ნაწილი და საქართველოში არსებული მედიაორგანიზაციებისა და არასამთავრობო ორგანიზაციების უმრავლესობა უწოდებს საზოგადოებრივი მაუწყებლის სარედაქციო დამოუკიდებლობის დაკარგვის პროცესს.
საზოგადოებრივი მაუწყებლის აჭარის ტელევიზიისა და რადიოს დირექტორმა, გიორგი კოხრეიძემ, მოსვლის დღიდან არაერთი ჟურნალისტი და რედაქტორი ჩამოაშორა სარედაქციო პოლიტიკას. მაუწყებლის თანამშრომელთა ნაწილი, მათ შორის ალტერნატიული პროფკავშირიც, მიიჩნევს, რომ აჭარის ტელევიზია და რადიო კარგავს სარედაქციო დამოუკიდებლობას და მიმდინარეობს არხის პროსახელისუფლებო ტელევიზიად გადაკეთება, და, ამასთანავე, ამ პროცესს მხარს უჭერს ტელევიზიის მრჩეველთა საბჭო.
