Batumelebi | რომელ პედაგოგებს აქვთ გამოცდების ივლისში ჩაბარების უფლება – ცვლილება სქემაში რომელ პედაგოგებს აქვთ გამოცდების ივლისში ჩაბარების უფლება – ცვლილება სქემაში – Batumelebi

რომელ პედაგოგებს აქვთ გამოცდების ივლისში ჩაბარების უფლება – ცვლილება სქემაში

განათლების სამინისტროს ინფორმაციით, მასწავლებლის საგნობრივი კომპეტენციის დამადასტურებელ გამოცდაზე  2020 წლის 30 აპრილის ჩათვლით დარეგისტრირებულ მაძიებელ მასწავლებლებსა და სისტემაში შესვლის მსურველებს უფლება აქვთ საგნობრივი გამოცდა 2020 წლის ზაფხულში ჩააბარონ. ეს გამოცდა 22 ივლისიდან 30 ივლისის ჩათვლით ჩატარდება.

ხოლო იმ პრაქტიკოს მასწავლებლებს, რომლებიც 2020 წლის 30 აპრილის ჩათვლით დარეგისტრირდნენ მასწავლებლის გამოცდაზე, საშუალება მიეცათ გამოცდები შესაბამის საგანში ან პროფესიულ უნარებში 2020 წლის შემოდგომაზე ჩააბარონ.

საგამოცდო ცენტრები გაიხსნება შემდეგ ქალაქებში:  ბათუმში, ფოთში, ზუგდიდში, ოზურგეთში, ქუთაისში, ახალციხეში, გორში, თბილისში, რუსთავში, თელავში.

სამინისტროს ინფორმაციით, ივლისში დაგეგმილ გამოცდებზე 12 000-მდე მასწავლებლობის მსურველი ჩაერთვება.

ამავე თემაზე:

პრაქტიკოსი მასწავლებლების გამოცდები შემოდგომაზე ჩატარდება – ცვლილებები სქემაში

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com