Batumelebi | მერაბ ტურავა საკონსტიტუციო სასამართლოს თავმჯდომარედ აირჩიეს მერაბ ტურავა საკონსტიტუციო სასამართლოს თავმჯდომარედ აირჩიეს – Batumelebi

მერაბ ტურავა საკონსტიტუციო სასამართლოს თავმჯდომარედ აირჩიეს

საკონსტიტუციო სასამართლოს თავმჯდომარედ მერაბ ტურავა აირჩიეს. ეს არჩევანი დღეს, 25 ივნისს, მოსამართლეების პლენუმმა დახურულ კენჭისყრაზე გააკეთა.

ინფორმაცია მერაბ ტურავას არჩევის შესახებ ჟურნალისტებს გიორგი ლომთაძემ მიაწოდა, საკონსტიტუციო სასამართლოს საზოგადოებასთან ურთიერთობის სამსახურის უფრისმა. კომენტარი ჯერ არ გაუკეთებია თავად მერაბ ტურავას, რადგან ამ დრომდე სხდომა გრძელდება – ასარჩევია თავმჯდომარის მოადგილე.

მერაბ ტურავას პლენუმის 9 წევრიდან ხუთმა მოსამართლემ დაუჭირა მხარი. თავმჯდომარეობის მეორე კანდიდატი ირინე იმერლიშვილი იყო, მან ოთხი ხმა მიიღო.

საკონსტიტუციო სასამართლოს თავმჯდომარის პოზიცია 15 ივნისიდან არის თავისუფალი, როცა ზაზა თავაძეს მოსამართლის უფლებამოსილება ამოეწურა.

საკონსტიტუციო სასამართლოს თავმჯდომარეს ხუთი წლის ვადით ირჩევენ [მოსამართლეს 10 წლის ვადით].

ნეტგაზეთის მასალების სხვა გამოცემებში გადაბეჭდვის წესი
ავტორი