მთავარი,სიახლეები

გერმანიის ყველაზე ხანდაზმული, 101 წლის დეპუტატი პოლიტიკურ პენსიაზე გავიდა

21.06.2020 • 1416
გერმანიის ყველაზე ხანდაზმული, 101 წლის დეპუტატი პოლიტიკურ პენსიაზე გავიდა

გერმანიის პატარა ქალაქის, კირჰაიმბოლანდენის ქალაქის საბჭოს 101 წლის დეპუტატმა, ლიზელ ჰაიზემ მანდატი დატოვა. იგი ყველაზე ხანდაზმული დეპუტატი იყო გერმანიაში.

ლიზელ ჰაიზე ყოფილი მასწავლებელია, რომელმაც შარშან, 2019 წლის გაზაფხულზე, 100 წლის ასაკში გაიმარჯვა ადგილობრივ არჩევნებზე და გახდა გერმანიის ყველაზე ხანდაზმული დეპუტატი.

ლიზელმა პოლიტიკაში წასვლა გადაწყვიტა ქალაქში აუზის გასახსნელად, რომელიც უკვე წლებია დახურული იყო. იგი ამბობდა, რომ მისთვის აუზი ახალგაზრდობის ელექსირი იყო. კირჰაიმბოლანდენი პატარა ქალაქია და ლიზელის ასარჩევად 900-მდე ხმა იყო საჭირო. მან 911 ხმა დააგროვა.

„ჩემთვის მნიშვნელოვანია არა წარმატება, არამედ სწორი საქციელი“ – განაცხადა ლიზელ ჰაიზემ, როცა ის დეპუტატად აირჩიეს.

101 წლის დეპუტატმა მანდატი ჯანმრთელობის პრობლემების გამო დატოვა. ყველაზე ხანდაზმული დეპუტატი ქალაქის საბჭოდან გულთბილად გააცილეს. ქალაქის ბურგომისტრმა განაცხადა, რომ ლიზელ ჰაიზე არის მაგალითი ყველა ხანდაზმულისთვის და მან უფროსი ასაკის ადამიანებს ქალაქის პოლიტიკურ ცხოვრებაში მონაწილეობისკენ მოუწოდა.

________

მომზადებულია „დოიჩე ველეზე“ დაყრდნობით.

გადაბეჭდვის წესი


ასევე: