Batumelebi | რა დაადგინა ექსპერტიზამ ბათუმის ეკლესიის სარდაფში შენახულ 150 ნეშტზე [ვიდეო] რა დაადგინა ექსპერტიზამ ბათუმის ეკლესიის სარდაფში შენახულ 150 ნეშტზე [ვიდეო] – Batumelebi
RU | GE  

რა დაადგინა ექსპერტიზამ ბათუმის ეკლესიის სარდაფში შენახულ 150 ნეშტზე [ვიდეო]

საბჭოთა რეპრესიების დროს დახვრეტილი ადამიანების ნეშტების პრობლემაზე ამ დრომდე არაფერი გარკვეულა. ნეშტების არსებობის შესახებ 2019 წლის აპრილში გახდა ცნობილი. სამხარაულის ექსპერტიზის ბიუროს სპეციალისტებმა კი, ნეშტებიდან ნიმუშების აღების პროცესი გასული წლის 12 ივლისს დაასრულეს.

„პანდემიის გამო შეჩერდა სამუშაოები“, – გვიპასუხეს აჭარის ჯანდაცვის სამინისტროს პრესცენტრში. აქ განმარტეს, რომ ხელვაჩაურის ყოფილი სამხედრო ბაზის ტერიტორიაზე, რომელსაც ახლა ბათუმისა და ლაზეთის ეპარქია ფლობს, ჯერ კიდევ არ დასრულებულა საძიებო სამუშაოები სამარხში, სადაც 150 ნეშტი აღმოაჩინეს. სავარაუდოდ, ამ ტერიტორიაზე ჯერ კიდევ ორი გაუხსნელი სამარხი უნდა არსებობდეს.

აჭარის ჯანდაცვის სამინისტროში გვითხრეს, რომ ამ პროცესს პანდემიამ შეუშალა ხელი, რადგან ჯგუფური მუშაობა შეუძლებელი იყო. ამ დრომდე უცნობია, როდის განახლდება არქეოლოგიური სამუშაოები სამარხში, სადაც ნეშტები იპოვეს.

აჭარის ჯანდაცვის სამინისტროს ინფორმაციით, არქეოლოგიური სამუშაოების დასრულების შემდეგ ჩატარდება აღმოჩენილი ნეშტების დნმ ექსპერტიზა. გასული წლის ივლისში კი, ნეშტებიდან ნიმუშები არქივისთვის აიღეს.

ნეშტები, რომლებიც შესაძლოა 1937-1938 წლებში აჭარაში რეპრესირებულ პირებს ეკუთვნოდეს, ორი წელია ბათუმის საკათედრო ტაძრის სარდაფში ინახება.

რეპრესირებულთა ისტორიები

ისტორია იმის შესახებ, თუ როგორ ეძებდა 10 წლის ბიჭი თავის დაკარგულ ბაბუას.

Posted by ბათუმელები • Batumelebi.ge on ოთხშაბათი, 22 მაისი, 2019

ამავე თემაზე:

ნაპოვნი სამარხებით გაღვიძებული ტკივილი – დიდი ტერორის 1050 მსხვერპლი აჭარიდან

ნეტგაზეთის მასალების სხვა გამოცემებში გადაბეჭდვის წესი
ავტორი