მთავარი,სიახლეები

სავალუტო ჯიხურები, საქალაქთაშორისო მიმოსვლა, რესტორნები – რა შეზღუდვები უქმდება ორშაბათიდან

07.06.2020 • 1954
სავალუტო ჯიხურები, საქალაქთაშორისო მიმოსვლა, რესტორნები – რა შეზღუდვები უქმდება ორშაბათიდან

ორშაბათიდან, 8 ივნისიდან, მუშაობას განაახლებენ სავალუტო ჯიხურები, დასაშვებია დახურულ სივრცეში რესტორნებისა და კაფე-ბარების მუშაობა, აღდგება საქალაქთაშორისო მიკროავტობუსებისა და ავტობუსების მოძრაობა.

8 ივნისიდან დასაშვებია სასტუმროებისა და განთავსების მსგავსი ობიექტების საქმიანობა, თუ ისინი ჯანდაცვის სამინისტროს რეკომენდაციებს დააკმაყოფილებენ.

[red_box]8 ივნისიდან სამგზავრო მატარებლების მოძრაობა არ აღდგება[/red_box]

  • ორშაბათიდან კვლავ არ იმოძრავებს სამგზავრო მატარებლები
  • აკრძალული რჩება 10 პირზე მეტის შეკრება [ქორწილი, ქელეხი და სხვა მსგავსი ღონისძიებები]
  • საზოგადოებრივი ტრანსპორტით მგზავრობისას აუცილებელია პირბადის ტარება
  • ტაქსით დასაშვებია მაქსიმუმ 2 მგზავრის გადაყვანა [ამასთან, აკრძალულია მძღოლის გვერდით მგზავრის ყოფნა]
  • აკრძალულია სპორტული, კულტურული და გასართობი ღონისძიებების ორგანიზება/ჩატარება; სპორტულ-გამაჯანსაღებელი პროცედურები და აქტივობები
  • დახურულ სივრცეში სავალდებულოა პირბადის ტარება.

საქართველოში სარკინიგზო მიმოსვლა მალე აღდგება – ამის შესახებ „ბათუმელებს“ „საქართველოს რკინიგზაში“ უთხრეს. თუმცა, ასევე დასძინეს, რომ ამ ეტაპისთვის კონკრეტული თარიღი უცნობია:

მატარებელით მგზავრობა უახლოეს მომავალში აღდგება – საქართველოს რკინიგზა

გადაბეჭდვის წესი


ასევე: