Batumelebi | მატარებელით მგზავრობა უახლოეს მომავალში აღდგება – საქართველოს რკინიგზა მატარებელით მგზავრობა უახლოეს მომავალში აღდგება – საქართველოს რკინიგზა – Batumelebi

მატარებელით მგზავრობა უახლოეს მომავალში აღდგება – საქართველოს რკინიგზა

საქართველოში სარკინიგზო მიმოსვლა უახლოეს მომავალში აღდგება. ამის შესახებ „ბათუმელებს“ „საქართველოს რკინიგზაში“ უთხრეს. თუმცა, ასევე დასძინეს, რომ ამ ეტაპისთვის კონკრეტული თარიღი უცნობია.

„გვაქვს ინფორმაცია, რომ უახლოეს მომავალში აღდგება სარკინიგზო მიმოსვლა, თუმცა კონკრეტული გადაწყვეტილება ჯერ არ არის. შემუშავებულია ტრანსპორტისთვის რეგულაციები და საქართველოს რკინიგზა ყველა ამ რეგულაციას დააკმაყოფილებს, რადგან მათ შექმნაში ჩვენც მივიღეთ მონაწილეობა. აუცილებლად გამოვაქვეყნებთ ყველა ინფორმაციას, რაც მგზავრებმა უნდა დააკმაყოფილონ“, – ამბობენ „საქართველოს რკინიგზაში“.

მატარებლით მგზავრობის დროს კომპანიამ და მგზავრებმაც შემდეგი მოთხოვნები უნდა დააკმაყოფილონ:

  • სარკინიგზო სატრანსპორტო საშუალებებში, უზრუნველყოფილი უნდა იყოს მგზავრთა ვიდეო ან თერმოსკრინინგი;
  •  სატრანსპორტო საშუალებაში და სამუშაო ადგილებზე თვალსაჩინო ადგილას განათავსეთ ინფორმაცია ახალი კორონავირუსისა და პრევენციული ღონისძიებების შესახებ;
  • აუდიო, ვიდეო ტექნიკის (ასეთის არსებობის შემთხვევაში) გამოყენებისას უზრუნველყავით მომხმარებელთა ინფორმირებულობა კორონავირუსის გავრცელების პროფილაქტიკური ღონისძიებების შესახებ;
  • სერვისცენტრებში უზრუნველყოფილი უნდა იყოს უსაფრთხო დისტანციის მანიშნებელი შესაბამისი სტიკერების განთავსება (იატაკის ზედაპირზე) აგრეთვე, მოსასვენებელი სკამების ნაწილის ან სრულად მოხსნა/დემონტაჟი უსაფრთხო დისტანციის დაცვის მიზნით;
  • მოსაცდელ დარბაზში, მომსახურე პერსონალისა და მგზავრებისთვის, ხელმისაწვდომ ადგილას (საბილეთო სალაროს მიმდებარედ) განათავსეთ ხელის ანტისეპტიკური საშუალებები, უზრუნველყავით პერსონალისა და მგზავრების სველ წერტილებში ხელის ჰიგიენა – წყლითა და თხევადი საპნით;
  • სამუშაო ადგილებზე უზრუნველყავით ხელის დასამუშავებელი 60-70%-იანი სადეზინფექციო საშუალებების განთავსება და დასაქმებულებს მიაწოდეთ ინფორმაცია მათ სწორ მოხმარებაზე;
  • მიაწოდეთ ინფორმაცია დასაქმებულებს ინდივიდუალური დაცვისა და ჰიგიენური საშუალებების სწორად გამოყენებასა და შემდგომში მათ შენახვა/მოცილებაზე;
  • პერიოდულად გაანიავეთ სამუშაო სივრცეები, თუ ამის შესაძლებლობა არ არის გამოიყენეთ ხელოვნური ვენტილაციის მომატებული უწყვეტი რეჟიმი, გარე სივრციდან ჰაერის შემოტანით, ცირკულაციითა და გარეთ გატანით.

მომსახურების ცენტრებში უზრუნველყოფილი უნდა იყოს პერსონალისა და მგზავრების მიერ გამოყენებული ერთჯერადი ხელსახოცებისა თუ სხვა გამოყენებული ჰიგიენური ნარჩენებისთვის დახურული კონტეინერების განთავსება (ფეხის პედლით გახსნის შესაძლებლობით), რომელშიც ჩაფენილი იქნება ერთჯერადი პლასტიკური პარკი. ნარჩენების პარკის ამოღება უნდა მოხდეს ერთჯერადი ხელთათმანების გამოყენებით. ნარჩენების გატანა უნდა მოხდეს დროულად შესაბამისი პირის ან სამსახურის მიერ.

 

სამუშაო სივრცეში (ყველგან, სადაც დასაქმებულებს უწევთ ყოფნა) არ დაუშვათ მომხმარებელი ნიღბის გარეშე;

ხშირად გამოყენებული ზედაპირები უნდა დამუშავდეს სადეზინფექციო ხსნარით ყოველი მარშრუტის დასრულების შემდგომ.

სანიტარიული კვანძები უნდა დალაგდეს და დამუშავდეს სადეზინფექციო ხსნარით დღეში არანაკლებ სამჯერ.

მატარებელში მგზავრებს შეეზღუდებათ ჟურნალების, ბუკლეტების გაზეთების გავრცელება,

მგზავრებს ტრანსპორტირების დროს არ უნდა გადასცენ სამგზავრო ბალიშები, ყურსასმენები და ა.შ. (გარდა ერთჯერადი ინდივიდუალური ნივთებისა.

 

ახალი რეგულაციის მიხედვით, თუ მგზავრობის დაწყებამდე მგზავრი თავს შეუძლოდ გრძნობს, არ უნდა გამოიყენოს სატრანსპორტო საშუალება.

  • საერთო გამოყენების ადგილებში კი უნდა დაიცვას უსაფრთხო დისტანცია და გამოიყენოს ნიღაბი;
  • მგზავრმა ბილეთი უნდა შეიძინოს წინასწარ (რეკომენდირებულია ელექტრონულად), რათა თავიდან აიცილოთ რიგში დგომა;
  • მგზავრობის პროცესში მატარებლის ყველა შესასვლელში უნდა იყოს დეზობარიერი და ხელის დეზინფექციის დისპენსერი;
  • ვაგონში მგზავრთა ყოფნის, ჩასხდომისა და გადმოსხდომის დროს უზრუნველყოფილი უნდა იყოს უსაფრთხო დისტანციის დაცვა, მომსახურე პერსონალი უნდა ატარებდეს ნიღაბს;
  • მატარებლის სალონში ჰაერი უნდა იფილტრებოდეს ინტენსიურად, სუფთა ჰაერის მიღება გარედან უნდა ხდებოდეს პროგრამული უზრუნველყოფის გამოყენებით;
  • პერიოდულად უნდა გაიწმინდოს მოაჯირები, კარების სახელურები, სავარძლების სახელურები და ხშირად გამოყენებული ზედაპირები;
  • ასევე რეკომენდირებულია, რომ ყოველი მარშრუტის შემდეგ მოხდეს შემადგენლობის სველი წესით დასუფთავება-დეზინფექცია.
ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com