Batumelebi | ხულოში 8-სულიანი ოჯახის საცხოვრებელი სახლი დაიწვა ხულოში 8-სულიანი ოჯახის საცხოვრებელი სახლი დაიწვა – Batumelebi

ხულოში 8-სულიანი ოჯახის საცხოვრებელი სახლი დაიწვა

დღეს, პირველ ივნისს, ხანძრის შედეგად ხულოში, სოფელ წაბლანაში შაინიძეების ოჯახის საცხოვრებელი სახლი დაიწვა.

ხულოს მერიის ცნობით, შაინიძეების ოჯახში 8 ადამიანი ცხოვრობს, მათ შორის, 4 არასრულწლოვანია.

ხანძრის შედეგად არავინ დაშავებულა. მერიისვე ცნობით, ოჯახი დროებით მეზობელთან იმყოფება და მათი საცხოვრებელი ბინის ქირას ხულოს მერია უზრუნველყოფს.

__________________

ფოტო „ბათუმელების“ არქივიდან

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com