მთავარი,სიახლეები

აქტივისტი აჭარის ტელევიზიის წინ გაშლილ კარავში გაათენებს

29.05.2020 • 2132
აქტივისტი აჭარის ტელევიზიის წინ გაშლილ კარავში გაათენებს

ორგანიზაცია „მე მიყვარს ბათუმის“  ერთ-ერთი ხელმძღვანელი ალექსანდრე მილორავა აჭარის ტელევიზიის წინ შიმშილობს. მისი მოთხოვნაა საზოგადოებრივი მაუწყებლის აჭარის ტელევიზიისა და რადიოს დირექტორის, გიორგი კოხრეიძის გადადგომა. მილორავა ამბობს, რომ საკითხი დღის წესრიგში აჭარის ტელევიზიისა და რადიოს მრჩეველთა საბჭომ უნდა დააყენოს.

ალექსანდრე მილორავას თქმით, გიორგი კოხრეიძემ ტელევიზიას ჩამოაშორა კრიტიკული და თავისუფალი სიტყვის დამცველი ჟურნალისტები, ამიტომაც იგი და მისი ორგანიზაცია ითხოვს ტელევიზიის დირექტორის გადადგომას.

აქტივისტს ტელევიზიის წინ კარავი აქვს გაშლილი და ღამის გათენებას ამ კარავში გეგმავს. ამ დროისთვის მასთან ერთად არიან ორგანიზაციის სხვა წევრებიც.

აქცია აჭარის ტელევიზიასთან

ამ დრომდე მილორავას აჭარის ტელევიზიის მრჩეველთა საბჭოს წევრებიდან მხოლოდ თამილა დოლიძე გაესაუბრა და გაეცნო მის მოთხოვნებს.

ალექსანდრე მილორავა ამბობს, რომ პროტესტის ამ უკიდურეს ფორმას გამოიყენებს მანამ, ვიდრე მის მოთხოვნას მრჩეველთა საბჭო დღის წესრიგში არ დააყენებს და გიორგი კოხრეიძეს არ გადააყენებენ.

გადაბეჭდვის წესი


ასევე: