მთავარი,სიახლეები

საპროტესტო აქციაზე დაკავებული ორი პირი 1000-1000 ლარით დააჯარიმეს – დაკავებულია 30 მოქალაქე

28.05.2020 • 1041
საპროტესტო აქციაზე დაკავებული ორი პირი 1000-1000 ლარით დააჯარიმეს – დაკავებულია 30 მოქალაქე

მოსამართლე როინ კახიძემ გუშინდელ საპროტესტო აქციაზე დაკავებული ორი ადამიანი 1000-1000 ლარით დააჯარიმა, კიდევ ორის პროცესი კი დამატებითი მტკიცებულებების წარმოდგენის მოტივით გადაიდო. გუშინ, 27 მაისს, ბათუმში აქციაზე სულ 30 ადამიანი დააკავეს ადმინისტრაციული წესით, აქედან 9 გუშინ გაათავისუფლეს ხელწერილით.

მოსამართლეს ჯერ არ განუხილავს იმ ბრალდებულების ოჯახის წევრების საქმე, რის გამოც გაიმართა ეს საპროტესტო აქცია. ერთ-ერთი ბრალდებულის, რეზო წულუკიძის და-ძმა ასევე ადმინისტრაციული წესით დააკავეს პოლიციელებისთვის წინააღმდეგობის გაწევის მოტივით. ადმინისტრაციული წესით დაკავებული იყო ბრალდებულის მამა დავით წულუკიძეც, რომლის საქმის განხილვაც ასევე გადაიდო.

საპროტესტო აქციებს ხულიგნობის მუხლით დაკავებული – რეზო წულუკიძისა და ელდარ ანთაძის მხარდასაჭერად  მართავენ ბათუმში. ბრალდებულების ახლობლები მიიჩნევენ, რომ ისინი უკანონოდ არიან წინასწარ პატიმრობაში, რადგან ჩხუბის დროს, რისთვისაც ისინი 7 მაისს დააკავეს, მხოლოდ თავს იცავდნენ, ის პირები კი, რომლებმაც ამ ჩხუბის დროს დანა გამოიყენეს, დაკავებული არ არიან.

სასამართლო სხდომებს დაინტერესებული პირები ვერ ესწრებიან, რადგან პანდემიის გამო სასამართლოში სხდომებზე დასწრება ჯერ კიდევ შეზღუდულია.

რატომ გაიმართა აქცია ბათუმში – დაკავებულების ახლობლების და შს სამინისტროს ვერსიები

გადაბეჭდვის წესი


ასევე: