Batumelebi | რას წერს გერმანული შპიგელი აჭარულ ხაჭაპურზე რას წერს გერმანული შპიგელი აჭარულ ხაჭაპურზე – Batumelebi

რას წერს გერმანული შპიგელი აჭარულ ხაჭაპურზე

აჭარული ხაჭაპურის შესახებ გერმანული გამოცემა სტატიას ძველის ძველი ლეგენდით იწყებს, როცა ღმერთი დედამიწას ანაწილებდა.

გამოცემა მსოფლიოს განაწილების პროცესში „ქართველების კვლავ დაგვიანებაზე“ და იმაზე წერს, როგორ ახსნეს დაგვიანების მიზეზი ღმერთთან გამოცხადებულმა ქართველებმა: შენს სადიდებელ წვეულებას ვმართავდითო. და ღმერთმაც ქართველებს საკუთარი ბაღი – „საქართველო“ უბოძა.

ამ შესავლის შემდეგ ავტორი აღწერს საქართველოს, როგორც ბავარიის მიწაზე პატარა ქვეყანას, რომელიც კავკასიონსა და შავი ზღვის პალმიან სანაპიროებს შორის არის მოქცეული, სადაც ბევრი მზე და უამრავი სურნელოვანი მცენარე ხარობს.

ავტორი წერს, რომ პირველი ქართული კერძი გასინჯა ლონდონში თავისი რუსი მეგობრის ბინაში. „უნაკლო“ აჭარულ ხაჭაპურს კი ის ასე აღწერს: გარედან ხრაშუნა და შიგნიდან რბილი, სულგუნის ყველის ტბით, რომლის ცენტრში დევს თოხლო კვერცხი.

მის გარშემო კი სურნელოვანი კამისა და ქინძის ფოთლები ალაგია.

სტატიის დასასრულს ავტორი ზუსტ რეცეპტს და აჭარული ხაჭაპურის მომზადების წესს სთავაზობს თავის მკითხველს.

____

ტექსტი და ფოტო: Spiegel

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.