ბათუმში, ბერიძის ქუჩაზე, სურსათის მაღაზია გატეხეს. შემთხვევა წუხელ ღამით მოხდა – მფლობელს მაღაზია გატეხილი დახვდა. შინაგან საქმეთა სამინისტროში არ აკონკრეტებენ, რა სახის და რა ღირებულების პროდუქცია წაიღეს მაღაზიიდან.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 177-ე მუხლით, რაც ქურდობას გულისხმობს.
ამ დროისთვის დაკავებული არავინაა.
გამოძიება გრძელდება.
