დღეს, 6 მაისს, კორონავირუსით ინფიცირებული კიდევ 2 პაციენტი გამოჯანმრთელდა. კლინიკა „მედალფას“ ინფორმაციით, გამოჯანმრთელებული პირები უკვე გადაიყვანეს საკარანტინო ზონაში.
ბოლო მონაცემებით, კლინიკაში 17 პაციენტი რჩება სამკურნალოდ. „აქედან ორი პაციენტის მდგომარეობა საშუალო სიმძიმისაა, ორი რეანიმაციაში წევს, თუმცა მართვით სუნთქვაზე არც ერთი არ იმყოფება. რამდენიმე პაციენტს აღენიშნება პნევმონია და მიდის მათთან ადეკვატური მკურნალობა, რამდენიმე კი პასუხს ელოდება, რომ გავწერთ მათ უახლოეს დღეებში“, – ამბობს „მედალფას“ რეგიონული მენეჯერი ლევან ანთაძე.
პაციენტებიდან, რომლებიც დღეს გაწერეს, ერთი კლინიკაში საკარანტინო ზონიდან გადაიყვანეს, მეორე კი – საზღვრის კვეთის შემდეგ.
მთლიანობაში, აჭარაში 38 პაციენტია გამოჯანმრთელებული.
6 მაისის დილის მონაცემებით, ბოლო 24 საათში საქართველოში კორონავირუსის 6 ახალი შემთხვევა დაფიქსირდა. გამოჯანმრთელებული პაციენტების რაოდენობა კი 29-ით არის გაზრდილი.
6 მაისის 20:00 საათის მდგომარეობით, საქართველოში კორონავირუსით ინფიცირებულია 610, ხოლო გამოჯანმრთელდა 269 ადამიანი.
