Batumelebi | მოქალაქე: მეწყერს მიაქვს ჩემი ბაღი, არავინ მოდის დასახმარებლად მოქალაქე: მეწყერს მიაქვს ჩემი ბაღი, არავინ მოდის დასახმარებლად – Batumelebi

მოქალაქე: მეწყერს მიაქვს ჩემი ბაღი, არავინ მოდის დასახმარებლად

ხელვაჩაურში, სოფელ ყოროლისთავში მცხოვრები მარინა ფაღავა ამბობს, რომ მეწყერმა მისი მანდარინის ბაღი დააზიანა და შიდასასოფლო გზა ჩაკეტა. მოქალაქის თქმით, მან ხელვაჩაურის მერიას ორი კვირის წინ მიმართა, თუმცა ამ დრომდე არავინ გამოჩენილა.

„…სოკარგაზს გაჰყავდა მილები, რა დროსაც გამოვიდა წყალი. მითხრეს, ეს წყაროს წყალიაო. 42 წელია აქ ვარ და არ ყოფილა წყარო… ვუთხარი, რომ ეს მოაშვავებდა აქაურობას, არ დამიჯერეს. წავიდნენ და იმ საღამოს ჩამოშვავდა. დავურეკე „სოკარს“, გამგეობასაც, მაგრამ არავინ მოსულა, „სოკარმა“ მითხრა, ჩვენ რა შუაში ვართო“, – მოგვიყვა მარინა ფაღავა.

ქალის მტკიცებით, მალე „მთლიანად ბაღი წამოვა, რადგან ისეა გაჟღენთილი წყლით, გავლა რომ მოინდომო შიგ ჩაეფლობი“.

კომპანია „სოკარის“ მენეჯერმა მოგვწერა, რომ მოგვიანებით გვიპასუხებდა, ხელვაჩაურის მერიაში კი განმარტეს, რომ საგანგებო მდგომარეობის გამო ადგილზე მისვლა გეოლოგებმა ვერ მოახერხეს და ჯერ არ იციან, როდის დაიწყებენ ადგილზე მუშაობას გეოლოგები, ხოლო გზას უახლოეს დღეებში გაწმენდენ.

ნეტგაზეთის მასალების სხვა გამოცემებში გადაბეჭდვის წესი
ავტორი