Batumelebi | ბათუმში 37 პაციენტიდან 1 მართვით სუნთქვაზეა, 4-ს კი ვირუსი აღარ უფიქსირდება ბათუმში 37 პაციენტიდან 1 მართვით სუნთქვაზეა, 4-ს კი ვირუსი აღარ უფიქსირდება – Batumelebi

ბათუმში 37 პაციენტიდან 1 მართვით სუნთქვაზეა, 4-ს კი ვირუსი აღარ უფიქსირდება

ბათუმში კლინიკა „მედალფას“ აჭარა-გურიის რეგიონალური დირექტორის, ლევან ანთაძის ინფორმაციით, კლინიკაში  COVID-19-ით ინფიცირებული 37 პაციენტი მკურნალობს და ამ დროისთვის მატება არ არის.

მისივე ინფორმაციით, პაციენტების უმეტესობას პნევმონია აქვს, მათ შორის ერთი რჩება მართვით სუნთქვაზე.  ოთხ პაციენტს კი ვირუსი აღარ უფიქსირდება:

„განმეორებითმა ტესტმაც ვირუსზე უარყოფითი პასუხი აჩვენა, თუმცა, თანმდევი გართულებების გამო ისინი რჩებიან საავადმყოფოში და აგრძელებენ მკურნალობას.“

ქვეყნის მასშტაბით დღეს, 21 აპრილს, კორონავირუსის დადასტურებული შემთხვევების რაოდენობა გუშინ საღამოსთან შედარებით 6-ით გაიზარდა. შესაბამისად, 21 აპრილის დილის მონაცემებით შემთხვევათა საერთო რაოდენობა არის 408, მათ შორის გამოჯანმრთელებული – 95, ხოლო გარდაცვლილი – 4.

ამ დროისთვის კარანტინშია 4 779 პირი, ხოლო სტაციონარში მეთვალყურეობის ქვეშ – 561.

უცხოეთიდან სამკურნალოდ გადმოყვანილია საქართველოს 3 მოქალაქე.

კორონავირუსით ინფიცირებულთა რაოდენობა 6-ით გაიზარდა

ნეტგაზეთის მასალების სხვა გამოცემებში გადაბეჭდვის წესი
ავტორი