Batumelebi | ბათუმის საკათედრო ტაძარში მსახურებას პირბადეებით ესწრებიან ბათუმის საკათედრო ტაძარში მსახურებას პირბადეებით ესწრებიან – Batumelebi
ნეტგაზეთი • RU

ბათუმის საკათედრო ტაძარში მსახურებას პირბადეებით ესწრებიან

დღეს, 17 აპრილს, ბათუმის საკათედრო ტაძარში გარდამოხსნის რიტუალს მრევლი და ეკლესიის მსახურები პირბადეებით ესწრებიან. დაცულია დისტანციაც. მრევლის ნაწილი ეკლესიაში ესწრება მსახურებას, ნაწილი კი – ეკლესიის ეზოში.

დახურულ საჯარო სივრცეში პირბადის ტარება 17 აპრილიდან გახდა სავალდებულო.

დღესვე ამოქმედდა კიდევ ერთი შეზღუდვა, რომელიც მანქანით გადაადგილებას ეხება. ეკლესიაში ამბობენ, რომ დღეს მრევლიც და სასულიერო პირებიც ტაძარში ფეხით მივიდნენ.

ფოტო: მანანა ქველიაშვილი/„ბათუმელები“

ფოტო: მანანა ქველიაშვილი/„ბათუმელები“

„ყველაფერში შეიძლება დავინახოთ დადებითი, რადგან მედალს აქვს ორი მხარე.

დღევანდელ დღეს რომ აიკრძალა მანქანებით მიმოსვლა, მოგეხსენებათ დღეს წითელი პარასკევია, ყველაზე მძიმე დღეა წელიწადში როდესაც კაცობრიობისათვის, ჩვენი ცოდვებისათვის, მაცხოვარი იესო ქრისტე ჯვარზე იქნა გაკრული.

ჯვარცმამდე სისხლიან ჯვარს მიათრევდა ფეხით გოლგოთაზე. იერუსალიმში ესეთი ტრადიციაა, ვია დოლოროსას ეძახიან ამ გზას, ფეხით გადიან მორწმუნენი. ამაშიც მე რაღაც დადებითი ვნახე, როდესაც ფეხით მოვდიოდი ეკლესიაში უფრო მეტად ამაღლებული და სულიერი განწყობა შემექმნა“ – თქვა ჟურნალისტებთან ეპარქიის პრესსპიკერმა იოანე გორელიშვილმა.

გორელიშვილის განცხადებით ეპარქიის მღვდელმთავრებზე დაშვებულია საშვები და ისინი შეუფერხებლად შეძლებენ გადაადგილებას სამების მონასტრამდე, სადაც ღამის 12 საათზე დაიწყება სააღდგომო ლიტურგია. მსახურება აჭარის ტელევიზიით პირდაპირ ეთერში გადაიცემა.

ამავე თემაზე: 

აღდგომის ღამის წირვა მონასტრებში მრევლის გარეშე ჩატარდება – ბათუმისა და ლაზეთის ეპარქია

ნეტგაზეთის მასალების სხვა გამოცემებში გადაბეჭდვის წესი
ავტორი