97 წლის ბრაზილიელი ჯინა დალ კოლეტო კორონავირუსის სიმპტომებით პირველ აპრილს მიიყვანეს საავადმყოფოში. იგი რეანიმაციაში მოათავსეს და ხელოვნურ სუნთქვაზე გადაიყვანეს.
ხანდაზმულებში Covid-19 ხშირად მძიმედ მიმდინარეობს და 97 წლის ქალის გადარჩენის იმედი ალბათ ბევრს არ ჰქონდა, თუმცა 12 აპრილს 97 წლის ჯინამ სან პაულოს საავადმყოფო ექიმებისა და ექთნების აპლოდისმენტების ფონზე დატოვა, იგი გამოჯანმრთელდა და ბრაზილიის ყველაზე ხანდაზმული პაციენტი გახდა, რომელიც Covid-19-ს გადაურჩა.
ჯინა დალ კოლეტო ბრაზილიის საპორტო ქალაქ სანტოსში ცხოვრობს. უყვარს სეირნობა, მაღაზიებში სიარული და საჭმლის მომზადება. მას ექვსი შვილიშვილი და 5 შვილთაშვილი ჰყავს – წერს მედია.
ბრაზილიაში ახალი კორონავირუსის 24 232 შემთხვევაა დადასტურებული. მათგან 1 378 პაციენტი გარდაიცვალა, 3 046 კი გამოჯანმრთელდა.
