Batumelebi | ესპანეთში კორონავირუსით გარდაცვლილთა მესამედი მოხუცთა თავშესაფრიდანაა ესპანეთში კორონავირუსით გარდაცვლილთა მესამედი მოხუცთა თავშესაფრიდანაა – Batumelebi

ესპანეთში კორონავირუსით გარდაცვლილთა მესამედი მოხუცთა თავშესაფრიდანაა

ბოლო ერთი თვის განმავლობაში ესპანეთში, მადრიდის რეგიონში, მოხუცთა თავშესაფარში მცხოვრები 4750 ხანდაზმული გარდაიცვალა, ესპანეთში დაღუპულთა საერთო მაჩვენებლის თითქმის მესამედი.  კორონავირუსით დაღუპულთა რიცხვი 9 მარტის მონაცემებით ქვეყანაში 15 238-ია.

მადრიდის რეგიონი ესპანეთში გამონაკლისი არ არის. მოხუცთა თავშესაფრებში გარდაიცვალა 956 ხანდაზმული კასტილია ლა მანჩას რეგიონშიც, კატალონიის ხელისუფლებამ კი 15 მარტიდან 8 აპრილის ჩათვლით მოხუცთა თავშესაფრებში გარდაცვალების 1100 შემთხვევა დაარეგისტრირა.

ესპანეთში კორონავირუსით ინფიცირების 152 446  შემთხვევაა დადასტურებული, მათგან თითქმის მესამედი: 52 ათასი გამოჯანმრთელებულია, გარდაცვლილია 15 238 ადამიანი.

გუშინ ესპანეთში 747 ადამიანი გარდაიცვალა 24 საათის განმავლობაში, ერთ დღეში გამოვლინდა კორონავირუსის 6278 ახალი შემთხვევა.

ინფიცირებისა და სიკვდილიანობის ყოველდღიურმა მზარდმა სტატისტიკამ ესპანეთში გასულ კვირას იკლო, თუმცა ბოლო დღეებში ისევ მოიმატა.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com